Henry Turalde
Si Henry Turalde (namundag Septyembre 12, 1960)[1] sarong kompositor, inhenyero, maestro. An komposisyon niyang Boses ni Lolo nagkamit nin ikaduwang lugar sa First Bicol Music Festival na ibinungsod kan Agosto 15, 1982 igdi sa Siyudad nin Naga, asin pinag-amaan kan Bicol Heritage Foundation.
Si Turalde namundag sa San Miguel (Macalinao), Bula, Camarines Sur. Nagdakula siya sa Larap, Jose Panganiban, Camarines Norte. An saiyang naagom iyo si Fe Bagamasbad na taga-Iriga City. Si Turalde nag'adal sa University of Nueva Caceres (1983) nin Civil Engineering, dangan sa College of Engineering, Camarines Sur Polytechnic Colleges (Nabua).[2]
