Henry Aldrich

Si Henry Aldrich (1647 – 14 Desyembre 1710) sarong Ingles na teologo, pilosopo, asin kompositor.

Buhay

Si Aldrich naedukar sa Westminster School sa pagmato ni Dr Richard Busby. Kan 1662, siya nag'entra sa Christ Church, Oxford, asin kan 1689 pignombrahan siyang Dekano sa pagsangle ki Katoliko Romano John Massey, na nagdulag pasiring Kontinente.^[1]^[2] Kan 1692, siya nagin Vice-Chancellor kan University of Oxford abot 1695.^[3] Kan 1702, siya nanombrahan naman Rektor kan Wem sa Shropshire, alagad padagos siyang nag'erok sa Oxford, kun saen siya nagadan kan 14 Desyembre 1710.^[4] Siya ilinubong sa Christ Church Cathedral na mayong mga pag'onra, sa saiya mansanang kagustohan.

Mga trabaho

Sarong folio sinapi sa Give ear, O Lord ki Aldrich, nasusurat sa sadiring kamot.

Si Henry Aldrich sarong persona na manlaen-laen kabatiran. Sarong klasikal na iskolar na may meritong kasyahan mansana, siya midbid na autor nin sarong sadit na libro dapit sa lohika (Artis Logicæ Compendium^[5]). Maski tpotoo bako man nababago an saiyang sinurat dapit sa Lohika (nag'aayog ki Peter nin Espanya'ng Summulae Logicales), an pag'usar kaini kan henerasyon nin mga estudyante sa Oxford nagpahiling na may maninigong halaga sa pagtukdo: an Compendium na ini dagos na binaba sa Oxford (sa ki Mansel na edisyon) hanggan sa katangaan nin ika-19ng siglo.

Si Aldrich nagmukna man nin mga pirang anthem asin kasnta sa simbahan na may dakulang merito, asin ipig'ayog an musika ki Palestrina asin ki Carissimi sa mga tataramon nin Ingles na may hustong husay. Saiya ta ikekredito an togtog nin "Hark, the bonny Christ Church bells."

All Saints Church sa bandang amnayan kan High Street, pigdesenyo ni Henry Aldrich asin nahaman kan 1720.

Peckwater Quadrangle of Christ Church, Oxford, pigdesenyo ni Henry Aldrich.

An ebidensya kan saiyang husay komo arkitekto mahihiling sa simbahan asin campanile kan All Saints Church, Oxford, asin sa tolong ibong kan inapod na Peckwater Quadrangle kan Christ Church, na napatindog nagsusunod sa saiyang desenyo. Siya may reputasyon komo masanggayahon, asin nagsurat nin makapangirit na bersyon sa Latin kan popular na awit na A soldier and a sailor, A tinker and a tailor, etc.

Saro pang ehemplo kan saiyang mapangirit na pasuba mababasa sa epigram sa sinabi niyang limang rason nin pag'inom:

Kun sa sakong tema sakong maninigo pag'isip,

Igwang limang rason kun ano ta an mga lalaki nag'iinom:—

Masiram na arak; may amigo; ta ako napapaha;

O siring gayod nagpapalihis oras;

O — ano pa man bagang ibang rason.

An epigram na ini palis kan Latin na diktum nasurat daa ni Menagiana ki Jacques Sirmond:

Si bene quid memini, causae sunt quinque bibendi;

Hospitis adventus, praesens sitis atque futura,

Aut vini bonitas, aut quaelibet altera causa.

Toltolan

↑ Salter, H. E.; Lobel, Mary D., eds. (1954). "Christ Church". A History of the County of Oxford: Volume 3: The University of Oxford. Victoria County History. pp. 228–238. Retrieved 27 July 2011.
↑ Horn, Joyce M., ed. (1996). "Deans of Christ Church, Oxford". Fasti Ecclesiae Anglicanae 1541–1857: volume 8: Bristol, Gloucester, Oxford and Peterborough dioceses. Institute of Historical Research. pp. 80–83. Retrieved 27 July 2011.
↑ "Previous Vice-Chancellors". University of Oxford, UK. Archived from the original on 19 April 2014. Retrieved 27 July 2011. Unknown parameter |url-status= ignored (help)
↑ Randel, Don Michael, ed. (1996). "Aldrich, Henry" . The Harvard biographical dictionary of music. Cambridge, Mass.: Belknap Press of Harvard Univ. Press. pp. 12–13. ISBN 0-674-37299-9.
↑ Aldrich, Henry (1750). Artis logicæ compendium. Oxford University. p. 147. Retrieved 22 July 2011.

Kapu'ngalan

This article incorporates text from a publication now in the public domain: Chisholm, Hugh, ed. (1911). "Aldrich, Henry". Encyclopædia Britannica (in English) (11th ed.). Cambridge University Press.

Mga panluwas na takod

O'Connor, John J.; Robertson, Edmund F., "Henry Aldrich", MacTutor History of Mathematics archive, University of St Andrews
Free scores by Henry Aldrich in the Choral Public Domain Library (ChoralWiki)

Mga opisinang akademiko
Suminunod ki John Massey	Dean of Christ Church, Oxford 1689–1710	Sinundan ni Francis Atterbury
Suminunod ki Jonathan Edwards	Vice-Chancellor of Oxford University 1692–1695	Sinundan ni Fitzherbert Adams

Pinopoonan an artikulong ini. Makakatabang ka sa Bikol Wikipedia sa pagparambong kaining pahina.

[salter-1] Salter, H. E.; Lobel, Mary D., eds. (1954). "Christ Church". A History of the County of Oxford: Volume 3: The University of Oxford. Victoria County History. pp. 228–238. Retrieved 27 July 2011.

[horn-2] Horn, Joyce M., ed. (1996). "Deans of Christ Church, Oxford". Fasti Ecclesiae Anglicanae 1541–1857: volume 8: Bristol, Gloucester, Oxford and Peterborough dioceses. Institute of Historical Research. pp. 80–83. Retrieved 27 July 2011.

[3] "Previous Vice-Chancellors". University of Oxford, UK. Archived from the original on 19 April 2014. Retrieved 27 July 2011. Unknown parameter |url-status= ignored (help)

[Harvard_Bio-4] Randel, Don Michael, ed. (1996). "Aldrich, Henry" . The Harvard biographical dictionary of music. Cambridge, Mass.: Belknap Press of Harvard Univ. Press. pp. 12–13. ISBN 0-674-37299-9.

[a_l_c-5] Aldrich, Henry (1750). Artis logicæ compendium. Oxford University. p. 147. Retrieved 22 July 2011.

[1]

[2]

[3]

[4]

[5]