Helladius nin Toledo
Si Helladius, Eladio o Elladio nin Toledo (nagadan 633, kan Toledo) sarong Arsobispong Kristiyano. Namundag sa sarong Visigodong pamilyang noble sa Espanya, enot may halangkaw na katongdan sa Korte alagad siya naagkay maglaog sa buhay monastiko, asin nagkua siya kan saiyang pagpangako' sa Monasteryong Agali. Siya an nagin abbot igdi asin dangan nagin arsobispo nin Toledo. An Romanong Martirolohiya tinongod an saiyang kapiyestahan sa 18 Pebrero.[1]
Buhay
baguhonSarong mayor na sugo' sa korteng Visigodo, siya isinubol sa Ikatolong Konseho nin Toledo kan 589 ni Reccared I komo representante royalas - na ini iyo an nagkondenar kan Arianismo. Naagkay kan buhay monastiko, siya nagpoon nang mgaparabisita sa monasteryo Agali asin logod nag'ayon na sa orden na ini. Siya nagin abbot kan 605 sa monasteryo algad mahuyo sanang magtrabaho sa anoman na ordinaryong gibohon arog kan paghakot nin mga sungo sa pagluto.
Kan si Aurasio magadan kan 615 siya haros dai maako-ako an katongdan nin pagka'arsobispo. Si Ildefonsus nag'adal sa saiyang paggigiya, naordenan niyang dekano kan 632-33 asin ngapit iyo an nagsurat kan saiyang autobiograpo, na sinasambitan kaini an mga gaweng-herak ni Helladius sa mga dukha asin saiyang sinabi na "Garo baga an imbong asin kabagsikan niya nadalahay mismo sa saindang mga kalamias asin mga kalag.".[2] Saiyang kinapotan an katongdan nin kagwalong taon (18) asin saboot saiyang inampoyonan an polisya ni Sisebut sa pirit na kombersyon asin pagpatallsik sa mga Hudyo.[3]
Toltolan
baguhon- ↑ Paul Guérin (ed.), Vie des Saints des Petits Bollandistes, Parigi, Bloud et Barral editori, 1876, vol VII, p. 584.
- ↑ Ildefonsus of Toledo, De viris illustris 7: PL 96,202
- ↑ Alban Butler, Il primo grande dizionario dei santi secondo il calendario Casale Monferrato, Edizioni PIEMME S.p.A.,2001 ISBN 88-384-6913-X
Bibliograpiya
baguhon- Alban Butler, Il primo grande dizionario dei santi secondo il calendario Casale Monferrato, Edizioni PIEMME, 2001 ISBN 88-384-6913-X