Heherson Alvarez
Si Heherson "Sonny" Turingan Alvarez (Oktubre 26, 1939 – Abril 20, 2020) sarong pulitiko gikan sa Pilipinas. Sya nagsirbi bilang myembro kan Kamara de Representantes kan Pilipinas asin kan Senado kan Pilipinas. Ministro man siya (dangan Sekretaryo) kan Agrarian Reporm puon 1986 abot 1987 asin Sekretaryo kan Environment and Natural Resources poon 2001 abot 2002.
| The Honourable Heherson T. Alvarez | |
|---|---|
| |
| Commissioner of the Climate Change Commission | |
| Termino October 23, 2009 – June 30, 2016 | |
| Secretary of Environment and Natural Resources | |
| Termino March 29, 2001 – December 13, 2002 | |
| Suminunod ki | Antonio Cerilles |
| Sinundan ni | Elisea G. Gozun |
| Member of the Philippine House of Representatives from Isabela's 4th District | |
| Termino June 30, 1998 – March 29, 2001 | |
| Suminunod ki | Antonio M. Abaya |
| Sinundan ni | Antonio M. Abaya |
| Senator of the Philippines | |
| Termino June 30, 1987 – June 30, 1998 | |
| Secretary of Agrarian Reform | |
| Termino February 7, 1987 – March 7, 1987 | |
| Suminunod ki | Conrado Estrella Sr. |
| Sinundan ni | Philip Ella Juico |
| Minister of Agrarian Reform | |
| Termino May 1, 1986 – February 7, 1987 | |
| Suminunod ki | Conrado F. Estrella |
| Sinundan ni | Post abolished |
| Personal na mga detalye | |
| Kamundagan | Heherson Turingan Alvarez Oktobre 26, 1939 Santiago, Isabela, Commonwealth of the Philippines |
| Kagadanan | Abril 20, 2020 (edad 80) Manila, Philippines |
| Nasyunalidad | Filipino |
| Partido politikal | PDP-Laban (1986–1988; 2018–2020) |
| Iba pang partido | LDP (1988–1998, 2004–2018; Aquino Wing: 2004), Lakas NUCD-UMDP (1998–2001) |
| Agom | Cecile Guidote |
| Mga aki | 2 |
| Alma mater | Harvard University, University of the Philippines |
| Trabaho | Politician |
| Websityo | http://www.hehersonalvarez.com/ |
Sya sarong hoben na aktibista na nakikabtang sa kumbensyon sa konstitusyon kan 1971.[1] Sinayumahan nyang pirmahan an konstitusyon na tinutulod kan remihen na Marcos na nagtaong lawig sa termino kan presidente sa opisina. Nagdulag sya kaiba an saiyang pamilya pasiring sa US pahali sa Pilipinas ta pig-initan kan martial law an mga aktibista na oposisyon.
Kan sya nakadistyero, saro sya sa nag-organisar kan paghirong Free Philippines na suportado an saiyang amigo asin lider kan oposisyon na si Senador Benigno "Ninoy" Aquino Jr. Pakaasasinar ki Aquino, an liderato kan Pilipinas nagbago huling si si Corazon Aquino, an agom ni Benigno Aquino Jr., nagkapot nin poder pakatapos kan matrayumpong "People Power Revolution". Nagbalik sya sa Pilipinas kan 1986 tanganing makikabtang sa pagtugdok liwat kan gobyerno kan kasagsagi kan pagbagsak kan rehimen na Marcos. Nanggana sya nin pwestong senador, renirepresentar an ika-4 na distrito kan probinsya nin Isabela, sa post-revolution government ni Presidente Corazon Aquino. Sya nagsirbi nin duwang termino 1987 abot 1998 asin 1998-2001.
Si Senador Alvarez nagkapot man nin duwang katungdan sa gabinete - Sekretaryo kan Agrian Reform (Pebrero 7, 1987 - Marso 7, 1987) asin Sekretaryo kan Environment and Natural Resources (Marso 29, 2001 - Disyembre 13, 2002). Midbid sya bilang masarig na environmentalista kaya ngani inapod syang "Mr. Environment" durante kan termino nya bilang Environmental Secretary.[1] Dugang pa, bilang sarong senador, sya an nagsurat kan resolusyon na gigibuhon an Abril 22 nin lambang taon bilang "Earth Day" sa Pilipinas.
Puon 2010 abot 2015, sya nagserbi bilang komisyoner asin vice chair kan Climate Change Commission.
Edukasyon
baguhon 
Nag-adal si Sonny Alvarez nin liberal arts sa Unibersidad kan Pilipinas. Nakakua man sya nin master's degree sa Economics asin Public Administration sa Harvard University.
Personal na buhay
baguhonSi Alvarez naagom an pintor asin aktibista na si Cecilio Guidote; an mag-agom nagkaigwa nin duwang aki, si Hexilon asin Herxilla.
Pagkagadan
baguhonSi Senador Alvarez asin agom na si Cicile nagkaigwang COVID-19 durante kan COVID-19 pandemic sa Pilipinas kaidtong Marso. Pareho sindang naospital. Ibinarita kan CNN na si Heherson Alvarez nag-agi sa eksperimental na plasma therapy treatment asin blood plasma convalescent therapy.[2] Kan Abril 20, 2020, nagadan si Alvarez sa Manila huli sa komplikasyon dara kan COVID-19.[3]
Susugan
baguhon- ↑ 1.0 1.1 Ranada, Pia (April 20, 2020). "Former senator, activist Heherson Alvarez dies from coronavirus". Rappler.com. Rappler Inc. Retrieved April 22, 2020.
- ↑ "Former Senator Heherson Alvarez dies of COVID-19 at 80". Coconuts Manila. Coconuts Media Company. April 21, 2020. Retrieved April 22, 2020.
- ↑ Galvez, Daphne. "Ex-Senator Heherson Alvarez succumbs to COVID-19". newsinfo.inquirer.net. Retrieved 2020-04-20.
