Haydee Yorac

Si Haydee Bofill Yorac (Marso 4, 1941 — Septyembre 13, 2005) sarong Filipinong serbidor sa gobyerno, abogado, propesor sa unibersidad.

Sarong lataw na alumna sa Unibersidad kan Filipinas, siya nagin legal counsel kan Meralco, direktor heneral kan Parish Pastoral Council for Responsible Voting, nagin pamayo kan Commission on Elections (1989 - 1999), asin dangan kan Presidential Commission on Good Government (Hulyo 17, 2001 – Mayo 1, 2005).

Mga enot na taon

Si Yorac namundag Marso 4, 1941 sa Saravia (ngonyan, E. B. Magalona), Negros Occidental. Nagkua siya nin pagka-abogasya sa Unibersidad kan Filipinas kan 1962 asin naglugar ika-8 sa Bar Exam kan taon 1963 na may gradong 86.95%. Nakua niya man an Master of Laws, major sa Public Internaitonal Law, minor sa Anthropology sa Yale University sa New Haven, Connecticut kan 1981.  

Pribadong karera

Si Yorac nagtokdo sa College of Law, Unibersidad kan Pilipinas, nagin siya man igding Vice President for Academic Affairs, asin Senior Researcher sa UP Law Center.

Pulitika

Maisog asin daing takot sa pagsurog niya sa mga deretso kan namamanwaan, siya saro sa enot tolos na ipinakulong ni Presidente Marcos kan madeklar4a an Ley Militar kan 1972. Si Yorac nagkandidato para sa pagkasenador kan eleksyon nasyonal 1998 sa lindong kan Partido Reporma–LM ni Renato de Villa alagad nadaog.

Personal

Dai nag'agom, si Yorac nagsakit sa ovarian cancer asin nagadan sa Chicago, edad 64. An saiyang restos isinaray na sa Libingan ng mga Bayani.

Lulubngan ni Haydee Yorac sa Libingan ng mga Bayani

Mga onra

• Gawad Ramon Magsaysay (2004), serbisyo sa gobyerno
• An Meralco Electric Co., nagmukna kan Gawad Haydee Yorac, para sa marayrahay na serbisyo sa publiko.

Mga publikasyon

• "Legal Status of Mercenaries"
• "Preventive Detention and Metaphysics of Repression"
• "Child Custody Determinations: A Reappraisal"
• "The Philippine Claim to the Spratly Island Group," Philippine Law Journal
• Philippine Treaty Series, Vols. 1-4, 6-7 (editor)

Mga panluwas na takod

• [5] The PCIJ Blog. Kinua 09-26-17.