Si Harold B. Gomez sarong premyadong Bikolanong pintor asin iskultor gikan sa banwaan nin Pili, Camarines Sur. Taon 2016 kan nagawadan nin Celeste Prize an saiyang obrang pintang akriliko na may titulong Beyond Horizon[2] mantang taon 2016 kan nanggana man an saiyang obrang iskultura may titulong The Plight of Maliputo nin ikatulong premyo sa ika-13ng GSIS National Art Competition.[3] Agom niya si Cris Fragata Gomez na saro man na pintor sagkod iskultor, asin nag-iistar sinda sa banwaan nin Pili, Camarines Sur. Nagklase man sya sa RMTC-BICOL nin Fine Arts(Decorative Painting Course) asin sa Phillip Morris Group of Co. "Pandayan Art Workshop" na iyo an nagtau saiya nin pormal na pagtukdo asin disiplina sa pagpipintura.

Harold Gomez
KamundaganHarold Gomez
Pili, Camarines Sur
OrganisasyonSalingoy Art Group, Sagurong Artists Society, Kintab Artists Group
AgomMaricris Fragata Gomez
Mga gawadCeleste Prize 2016[1]

Edukasyon baguhon

Nag-adal si Gomez nin elementarya sa Pili Central School asin nagpadagos nin sekondarya sa St. Catherine Laboure School, ngunyan Universidad de Sta. Isabel Pili Campus. Nagtapos siya nin kolehiyo sa Bicol College of Arts and Trade sa Syudad nin Naga.

Bilang Pintor asin Iskultor baguhon

 
Si Gomez (wala) kaiba an kapwa-parakurit

Poon pa kan taon 1992, nakaayon na sya sa haros labi sa 50 na mga art exhibit. Inot na naitampok an saiyang mga gibo sa manlainlain na eksibit sa Syudad nin Legazpi, Albay siring sa Pintas Art Exhibit kan 1992, Silyab Arte kan Bikol asin Warm People, Cool Bikol kan 1995, Ibalong Festival Art Exhibit poon 1996 sagkod 1998, Guibong Aki Visual Expo Bikolano Young Artist kan 1996, 1st National Children's Month Celebration kan 1996, First Bikolanon Heritage Art Exhibit kan 1997, asin LCC Central Mall Art Expo kan 1998.

Siya saro sa mga kagtugdas nin manlainlain na grupo nin mga pintor asin parakurit sa rehiyon Bikol siring kan Paletang Bikolnon Artists Group, Kurit Bikol, Pintas Artist Group asin Pili Integrated Artists. Kan 1998, ginibo an inot na art eksibit kan Kurit Bikol na igwang titulong Kurit sa Gurit na ginibo sa Syudad nin Naga. Sa nakaaging huring dekada, itinugdas an manlainlain na grupo sa Syudad nin Naga kun sain saro man siya sa mga inot na myembro kaini: Salingoy Art Group, Sirangan Artists Commune asin Sagurong Artists Society. Nagin tampok na parakurit si Gomez sa babasahon na Bangraw kan Arte, Literatura asin Kultura (NCCA) kan Mayo 2009.[4]

Nakapagkonduktar naman sya nin sadiri man na Art Exhibit. Iyo ini an Play(Laro): A Solo Exhibit in San Beda Museum, Alabang, Manila kan Oktubre 12, 2018. Naipalabas naman sa telebisyon an saiyang mga obra sa paagi kan mga programang Marhay na Aga Kapamilya, MagTV Na Oragon, asin man sa TV Patrol Bicol kan ABS-CBN Regional Network Group.

Sa presente, siya iyo an pamayo kan Kintab Artists Group na saro sa nagpadalagan kan Pagkarahay Arts Festival 2018 na ginibo sa Sentral na Bikolnon na Unibersidad nin Estado kan Agrikultura (CBSUA) sa Pili, Camarines Sur.[5]

Sa ginibong Kurit Aki Art Exhibit poon Enero 20 sagkod 27, 2019 sa SM City Naga, nahiling an saiyang mga obra sa sarong eksibit para sa sarong kawsa na hinimò kan Mariner's Polytechnic Colleges Foundation, Tabang Bikol Movement asin Kintab Artists Group. Pinartisiparan ini nin kaakian na nagtapos sa sarong worksyap nin Kurit Aki asin mga Bikolanong parakurit.[6]

Naitampok an saiyang mga obra sa eksibit na Kanigoan kan Robinsons Land ARTablado sa Robinsons Galleria kaiba an mga Bikolanong pintor. Obheto kaini na ipahiling an pagkakaiba-iba kan saro siring man tanganing ipamidbid an arteng Bikolnon.[7]

Toltolan baguhon

Mga Panluwas na Takod baguhon

Hilingon man baguhon