Green na Moske, Mosul
An Green na Moske (Arabic: جامع الخضر) sarong historikong moske na namumugtak sa Mosul, Iraq. An moske masususugan kaidto pang ika-12 siglo asin nakasaksi nin dakol na paghirahay poon pa kan panahon na idto. An moske midbid man sa pagkakaigwa nin manlaen-laen na pangaran base sa sadiring istorya kaini. Manunuparan ini sa sentro kan siyudad nin Mosul sa Kalye Corniche, nakahampang kan salog nin Tigris. An moske ginaba kan Estadong Islamiko nin Iraq asin Levant kan 2015.
| Green na Moske | |
|---|---|
Arabic: جامع الخضر | |
 An sa ngunyan gaban nang Green na Moske sa Mosul, ladawan kan 2017. | |
| Religion | |
| Pagkakatakod | Islam |
| Eklesiastiko o organisasyonal na kamugtakan | Moske |
| Kamugtakan | Gaba |
| Kinamumugtakan | |
| Kinamumugtakan | Mosul, Iraq |
| Arkitektura | |
| Tipo | Islamikong arkitektura |
| Petsa kan Pagtugdok | 1151 CE |
| Naragba | 2015 |
Etymolohiya
baguhonAn moske midbid bilang Moske nin Al-Mujahidi (Arabic: جامع المجاهدي) sagkod kaidtong ika-14 na siglo sa pagtaong onra kan namamahala asin an patron kan moske na si Mujahid al-Din Qaimaz. An moske midbid man bilang Moske nin Al-Rabad (Arabic: جامع الربض) na literal na nangangahulugan na moske sa luwas banwa. Ini huli ta an moske, naotob an pangangaipo kan mga tawo nin sarong moske na para sa mga tawo man na nakaistar igdi sa luwas nin Mosul, ta an Dakulang Moske nin Al-Nuri asin an Moske nin Umayyad nagin pano-pano para sa pamibian kongregasyonal. Kaya, an berdeng moske ibinilang na ikatulong pagpipilian para sa Biernes Pamibi kan huling iyan nasa luwas kan lanob nin Mosul.[1][2] Nagpuon nang apudon an moske bilang Green na Moske kan huri mala ta an berde iyo an ibinibilang na pinakaprestihiyosong kolor kan mga taga-Mosul.[2] Alagad, inapod man iyan na Pulang Moske (Arabic: جامع الاحمر) siring man huli ta an kuarto nin pamibi napipinturahan nin pula. Ining huring duwang ngaran na ini nagin popular sa kadaklan kasuarin pa sana.
Kasaysayan
baguhonPundasyon kan moske masususugan kaidto pang 1151.[3] An kaenot-enoteng Biernes na Pamibi ginibo bago pa ini matapos, kaidtong 1154, kan primerong matapos ni Mujahid an pagtogdok nin musholla (parayer room). Kan matapos an moske, mas dakula ini kisa kan sa ngunyan. Si Mujahid an paraataman kan moske na saiyang pinagmantener na maray asin tinawanan nin dekorasyon sa kurit Islamiko na igwang surat na dai mahihiling sa ibang mga moske. An iba pang dekorasyon gibo sa mga plastada asin nagkapira sa pinakamarahay na halimbawa iyo an mga samno sa ibabaw kan mihrab. An simborio na tinutumoy an musholla nagkokolor maberdeng asul. [4] An moske naunabihan man kan bantog na historyador na si Ali ibn al-Athir bilang sarong dakula asin saro sa pinakamagayon na moske.[5] Pinagisita man ini kan bantogan na geograpo na si Ibn Jubayr kan 1184, na namibi duman asin pinag-omaw gibong arkitektura kaini.[2]
Kan panahon nin Tatar asin Pagsalikop nin Mongolia, an moske napabayaan asin inagihan an danyos sa pagkalapa. Alagad, poon 1718, nagpoon giraray na maghira nin pagpairahay an Otoman na wali na si Ali Pasha. An kamugtakan na ini naipadagos sagkod sa katapusan kan ika-20 siglo sa paagi kan ministeryo nin kapakipakinabang asin relihiosong mga aktibidad. Sa ika-21 na siglo, an moske nagpoon nang mag-agi sa kakulangan nin tamang pagmantener, na pinagpatanidan kan imam asin parahulit kan mosque na si Tariqi Hamdun. Kan matapos an Gerang Iraq, nagin aktibo giraray an moske sa pagkapot nin mga pangyayari arog baga kan Patiribayan sa Pagtuom nin Quran na may kooperasyon kan Direktor nin Dote asin Sunna sa Nineveh.[5] Alagad, ginaba ini kan Estadong Islamiko nin Iraq asin Levant kan 2014-2015 sa pamamaagi nin pagpasabog[2]
Hilngon pa
baguhon- Islam sa Iraq
- Listahan nin mga moske sa Iraq
Reperensya
baguhon- ↑ داعش" يفجّر مسجداً يعود للقرن 9 للهجرة في الموصل. Al-Arabiya. Retrieved January 6, 2018.
- ↑ 2.0 2.1 2.2 2.3 دليل الجوامع والمساجد التراثية والأثرية - ديوان الوقف السني في العراق. p.135
- ↑ الموصل..رحلة عبور الى الحاضر و الماضي[permanent dead link]. الحوار المتمدن. Retrieved January 6, 2018.
- ↑ ابن الأثير - حوادث سنة 575هـ
- ↑ 5.0 5.1 ابن الأثير - حوادث سنة 575هـ