Godofredo Ramos
Si Godofredo P. Ramos sarong Filipinong pulitiko. Siya an binibistong "Ama kan Aklan" huli ta sa saiyang paghingowa napasuhay niya an Aklan sa Capiz asin nagin sarong probinsya kan taon 1956, sa rigon kan Akta Republika Nu. 1414. Siya an nag-ama' kan House Bill Nu. 334 na nagtutuyong isuway an Aklan sa probinsya nin Capiz na na'oyonan kan Kongreso kan Mayo 9, 1955 asin naaprobaran man sa Senado kan Abril 16, 1956.[1][2]
Namundag sa Malay, Aklan, si Ramos nagin Gobernador kan Aklan (1959-61), Kongresista (1950-57; 1962-65), Hokom sa Court of Appeals (1973-76), asin Delegado kan Filipinas sa United Nations (1962 asin 1964).[3]
Sa Kongreso baguhon
Kan siya yaon sa Kongreso, pinag-amaan niya an pinaka'enot na "Tariff and Customs Code of the Philippines" na nagin ley sa Akta Republika Nu. 1937. Dayaday siyang nabobotohan na saro sa "Ten Outstanding Congressmen of the Year," kan Congressional Press Club.
Pagromdom asin pag'onra baguhon
An palayogan na namomogtak sa Caticlan, Aklan, na iyo an ika-pitong pinakasibot na aeropuerto sa bilog na Filipinas, inapod nang "Godofredo P. Ramos Airport" sa pag'onra ki Godofredo Ramos, sa ri'gon kan Proklamasyon Nu. 500 na pinaluwas ni Presidente Benigno Aquino III asin pirmado ni Executive Secretary Paquito N. Ochoa kan Nobyembre 7, 2012.[4]
Toltolan baguhon
- ↑ [1] Wiki.Answers.Com Kinua 25-05-14
- ↑ Sinapi sa impormasyon kan Museo It Akean
- ↑ Sinapi sa impormasyon kan Museo It Akean
- ↑ http://balita.ph/2012/11/13/aquino-renames-caticlan-airport-in-aklan-to-godofredo-p-ramos-airport-2/ Archived 2014-08-01 at the Wayback Machine. Kinua 25-04-14
