Glenn Chong
Si Glenn Ang Chong (namundag Hulyo 12, 1974) sarong Filipinong politiko, abogado asin accountant. Siya naelihir na myembro kan Kamara de Representante, nagrerepresentar kan Solong Distrito nin Biliran. Saiya ining kinaptan nin tolong (3) taon bago siya nadaog sa re-eleksyon ni Rogelio J. Espina, an kakambal na tugang ni Gerardo Espina, Sr.[1]
| Glenn A. Chong | |
|---|---|
| Myembro kan Philippine House of Representatives | |
| Termino Hunyo 30, 2007 – Hunyo 30, 2010 | |
| Suminunod ki | Gerardo J. Espina, Jr. |
| Sinundan ni | Rogelio J. Espina |
| Constituency | Solong Distrito nin Biliran |
| Personal na mga detalye | |
| Kamundagan | Glenn Ang Chong Hulyo 12, 1974 Naval, Biliran, Filipinas |
| Nasyunalidad | Filipino |
| Partido politikal | Partido Liberal (2007-2009) Lakas Kampi CMD (2009-2013) PMP (2013) KDP (2019-present) |
| Alma mater | Naval State University Sacred Heart Seminary University of San Jose Recoletos (1995) Cebu Institute of Technology (1998) University of San Carlos (2004) |
Buhay Personal
baguhonSi Chong namundag kan Hulyo 12, 1974 sa Naval, Biliran. Siya sarong abogado asin accountant. Nagawaran siya nin Doctor of Humanities (Honoris Causa) na degree kan University of San Carlos.
Karera sa Politika
baguhonDugong sino-filipino, siya guminana sa eleksyon kan 2007 sa pagkarepresentante kan nadaog niya si dating nakatukaw na Representante na iyo si Gerardo Espina Sr., na an huri kapot an pwesto poon 1995 sundo 2004, asin siya pa sana an nagin representante na bakong hale sa political clan kan mga Espina.[2]
Pighingowa niya kuta makabalik sa siring na katongdan kan 2010 asin 2013 alagad sa duwang laban siya nadaog ni Rogelio Espina. Siya nagdalagan sa irarom kan partidong Lakas-Kampi asin PMP.[3][4]
Si Chong nagin man kandidato para senador kan 2019 Eleksyon heneral sa Filipinas alagad dai man siya nakaluwas.
Hinipa
baguhonAn ama ni Glenn A. Chong, na si Charlie, pinaghipa' alagad dai man nakulgan, sa atubangan lang kan harong kaini sa Biliran kan Hunyo 7, 2008. An duwa niyang bantay iyo an nagadan sa pagtambang asin saro pa naerido. Apat na armadong lalake, an saro pulis nagngangaran "Saul" imbwelto soboot sa panhihipa'. Sabi ni Chong an mga kaiwal niya sa politika iyo an may pakana' sa panghihipa ta an ama niya nagsa'ngat nin kaso nin graft kontra sa Gobernador nin Biliran na si Rogelio Espina sa Ombudsman.[5]
Si Richard Red Santillan, an close-in aide ni Chong, tinambangan man.[6] kan Desyembre 9, 2018. An saiyang bangkay nadukayan sunod na aldaw. Tolong pulong labot nin bala an nabilang sa kotse ni Chong, na iyo an pigmamaneho ni Santillan kan siya hipaon sa dalan. Si Abogado Chong sarong maribok asin hayag-hayagan na kritiko kan Smartmatic asin maski ngani kan Commission on Elections (COMELEC), asin siya nagtestigo sa mga bista kan Senado asin Kongreso dapit sa darayaan sa eleksyon. An Public Attorney's Office (PAO) masangat nin kaso sa mga pulis na naimbwelto sa insidente ta soboot an imbestigasyon forensic sa hawak ni Santillan nagpapahiling na siya may 68 mga lugad resulta kan pananaksak asin 18 tama nin bala na risang si Santillan kinadog na husto ngona bago sinasabi soboot nabadil sa laog kan kotse.[7][8]
Toltolan
baguhon- ↑ ""2010 Biliran Election Results"". Biliran Island: Biliran Blogs. Retrieved 2 July 2018.
- ↑ Karen Tiongson Mayrina; Allan Vallarta (2007-06-28). "Clans still rule in 14th House but fewer in ranks". GMA News. http://www.gmanews.tv/story/48691/Clans-still-rule-in-14th-House-but-fewer-in-ranks. Retrieved on 2008-02-16.
- ↑ ""Biliran 2010 Election Results"". Biliran Blogs. Retrieved 2 July 2018.
- ↑ ""Biliran 2013 Election". Biliran Blogs. Retrieved 2 July 2018.
- ↑ Inquirer.net, Biliran solon's dad attacked, 2 bodyguards killed
- ↑ ""Cainta 'shootout' fatality is lawyer's security aide"". Philstar Global. Retrieved 12 December 2018.
- ↑ ""PAO to file charges vs cops in shootout that killed Glenn Chong's aide"". ABS-CBN News. Retrieved 18 December 2018.
- ↑ PAO forensic findings.[1]Kinua 11-08-21.
