Gilberto Teodoro

Si Gilberto Eduardo Gerardo "Gilbert"/"Gibo" Cojuangco Teodoro Jr. (kamundagan Hunyo 14, 1964) iyo an presenteng Sekretaryo kan Nasyunal na Depensa kan Filipinas poon kan Agosto 2007. Poon 1998 abot 2007 myembro siya kan Kamara de Representantes bilang representante kan Enot na Distrito kan Tarlac.

Kan Marso 2009, ibinuyagyag niya an saiyang intensyon na magdalagan para presidente kan Filipinas sa 2010 na eleksyon.

Siya an iyo-iyong aki kan dating Administrador kan Social Security System na si Gilberto Teodoro, Jr. asin ni Mercedes Cojuanco-Teodoro, na dati man kaapil sa Batasang Pambansa. An saiyang napangagom iyo si Monica Prieto kun kiisay may aki siyang saro, si Jaime Gilberto. Siya sobrino ni Eduardo Cojuangco, Jr., an namamayo kan San Miguel Corporation.

Si Sekretaryo Teodoro, na naaapil sa Integrated Bar of the Philippines, sa UP Alumni Association, sa UP Law Alumni Association, sa Harvard Alumni Association, asin sa Harvard Law Association saro man na lisensyadong piloto nin eroplano asin Koronel sa Philippine Air Force Reserve. Kan siya nagkua kan eksamen sa Bar, nakua niya an pinakahalangkaw na grado..

Edukasyon

Nag'adal si Teodoro nin elemtarya asin haiskul sa Xavier School. Pakatapos haiskul, napili siya tolos na magin Presidente kan Kabataang Batrangay kan Tarlac kan 1980 kadun gan kan pagkapot niuya kan pagkaPresidente kan Kabatasang Barangay kan Tangang Luson sungdo 1985. Nagin man siyang kaapil sa Sangguniang Panlalawigan kan Tarlac npoon 1980 ab0ot 1985.

Sa De La Salle University nakua niya an Batsilyer de Komersyo taon 1984. Kan taonm 1989, natapos niya an adal niya sa abogasya sa Unibersidad kan Filipinas, kun saen natawan siyang Dean's Medal para sa Academic Excellence. Parehong taon, pagkua niya kan eksamen sa Bar, nakamit niya an pinakataas na grado.

Pitong taon tinais niya an saiyang pagkaabogado sa lindong kan EP Menodza Law Firm. Dangan nag'entra siya sa Harvard Law School sa Cambridge, Massachusetts sa pagkua niya kan Master of Laws na natapos niya kan 1997. Naako man siya kan parehong taon sa State Bar kan Nueva York

Pulitika

Siya Kongresista poon 1998 sungdo 2007 na pigrepresentar an Enot na Distrtito kan probinsya nin Tarlac. Nakua niya an pwesto komo Assistant Majority Leader sa ika-11ng KOngreso asin namayo kan mga kongresista na kaapil sa Nationalist People's Coalition. Siya man kaayon sa grupo kan Kongreso na nag'aatubang sa laog kan Legislative-Executive Development Advisory Council.

Pakatapos kan ikatolo niyang termino sa pwesto , an nagsalida saiya sa pwesto paagi kan sunod na eleksyon, iyo an agom niyang si Monica Prieto-Teodoro.

Sekretaryo kan Depensa Nasyunal

Nanombrahan si Teodoro bilang Seckretaryo kan Depensa Nasyunal kan Filipinas kan Agosto 2007 sa edad sanang 43. Siya an pinakahubin na nagkapot kan siring na pwesto.

Nagluwas man siya sa pasaling opera na Tayong Dalawa, komo sa sadiri niyang papel bilang Seketaryo kan Depensa Nasyunal. Nagin siyang Chairman kan Suricon Resources Corporation (1990-1997) asin siya man an kagtogdas kan Evercrest Golf and Country Club.

Kandidato para presidente

Kan Marso 2009 ibinuyagyag niya an intensyon na madalagan para Presidente sa Mayo 2010 na eleksyon. Amay pang sarong taon kaini, naglitik na siya sa saiyang partido, an People's Nationalist Coalition, ta nagbali ma sa pinagsararo na Lakas-Kampi-CMD asin igdi niya itinaya' an sadiri komo saro sa interesado na magkandidato para sa pagkaPresidente.

Sa hilom na borotohan kan Septyembre 16, 2009, an Komite Ehekutibo, sa botong 42-5 a pabor saiya, opisyalmente itinoon si Teodoro komo iyo an madara kan Partido sa 2010 na eleksyon bilang kandidato para presidente. Sa aktong ini, napara an ambisyon ni MMDA Chairman Bayani Fernando na siya kuta an gusto na magkandidato sa siring na pwesto, na mamanokon kan Partrido.

Ipig'anunsyo ni Lakas-Kampi Secretary General Gabriel Claudio an resulta kan borotohan pakalihis nin sarong oras na pag'orolay kan tiripon.

Panluwas na takod

Department of National Defense
Mga datos kan buhay niya- [1]
The Official Website of the Department of National Defense- [2] Archived 2009-09-03 at the Wayback Machine.