Georges Pitoëff

Si Georges Pitoëff (Ruso: Георгий Питоев; 4 Septyembre 1884 – 17 Septyembre 1939) sarong Rusong émigré na may dugong Armenyano nangagin lataw na aktor asin direktor sa Pransya.

Kaamayi nin buhay/edukasyon

Si Pitoëff namundag 4 Septyembre 1884 sa Tiflis, Rusya (ngonyan Tbilisi, Georgia) sa mga Rusong guminikan sa Armenia, siya saro sa aking lalaki kan Direktor nin Teatrong Tiflis. Pakaadal asin pakagradwar sa pagkaabogasya sa Paris University, siya nagturuhok na sa karera sa teatro.

== Karera ==S Sa Rusya, si Pitoëff nagtraining ki Konstantin Stanislavski.^[1]^:45 Sa Pransya nagin siyang direktor asin prodyusir sa teatro, na natandaan na mahilig sa pagtaong popularidad sa mga trabaho kan mga kagurubay niyang mga playwright, orog na sinda George Bernard Shaw, Anton Chekhov, Arthur Schnitzler, Henrik Ibsen, asin Eugene O'Neill. Siya kagtugdas-kaapil sa Cartel des Quatre (Group of Four), sarong grupo na kabarali diyan sa Louis Jouvet, Charles Dullin, asin Gaston Baty, na maigot na mabuhay asin mapabaskog an teatrong Pranses.^[2]

Kagadanan

Si Pitoëff nagadan kan 17 Septyembre 1939 sa Bellevue, haraning Geneva, Switzerland.

Pamilya

Saro sa aki niya, si Alexandre, bantog bilang Sacha Pitoëff, siya man mismo lataw na direktor asin aktor sa teatrong Pranses.

Toltolan

↑ Shafer, David A. (2016). Antonin Artaud. London, UK. ISBN 978-1-78023-601-8. OCLC 954427932.
↑ Jomaron, Jacqueline (1979). Georges Pitoëff Metteur En Scène. Lausanne, Switzerland: L'age D'homme.

Sarong tamboan an artikulong ini. Makakatabang ka sa Bikol Wikipedia sa pagpoon kaining pahina.

[1] Shafer, David A. (2016). Antonin Artaud. London, UK. ISBN 978-1-78023-601-8. OCLC 954427932.

[2] Jomaron, Jacqueline (1979). Georges Pitoëff Metteur En Scène. Lausanne, Switzerland: L'age D'homme.

[1]

[2]