George Carlin
Si George Denis Patrick Carlin (Mayo 12, 1937 - Hunyo 22, 2008) sarong Amerikanong komedyante, aktor asin parasurat asin kritiko sosyal. Siya bantogan na maray sa lantad nin pelikula asin telebsiyon sa pagpangirit, sa pagtaong kaalingan sa mga paradalan asin paradangog paagi nin pagsuba, pagtuya-tuya, pag'olog-olog, pagtuyaw asin pagtaboga' sa mga institusyon kan Amerika, sa gawe-gawe pulitikal kan gobyerno, sa mga kinaugalean asin pagtubod na sa paghuna niya sobra naman asin dapat bakleon o bako man totoo o kalokohan sana. Mala ta siya daa mayong pagtubod sa Dios, sa anoman na relihiyon asin m akusog niyang liniliwat-liwat na an gobyerno Amerikano nagrororo' nanggad. Siya bistong gayo sa maisog asin hayag, daing turutumpi' na pagtaong opinion sa mga bagay-bagay.
.jpg)
Aram-aram siyang marhay kan publiko sa saiyang mga kaisipan sa pulitika, sa lenggwaheng Ingles, sikolohiya, relihiyon asin sa manlaenlaen na bagay na mga taboo, na habong dutaan kan kadaklan ta mga sensitibong isyu. Inapod kan sarong peryodiko si Carlin bilang "dekano kan mga komedyanteng kontra-kultura."[1]
Mga nahaman sa buhay
baguhonSiya nakapaluwas nin 23 na komedi album, 14 HBO specials, tolong libro, magkapirang pasale sa telebisyon, nagpapel sa magkapirang pelikula, poon sa saiyang sadiring mga pasale sagkod sa "Bill and Ted's Excellent Adventure" kan 1989. Sinasabi na an hiwas kan saiyang linalaogan na papel sa pagkomentaryo tanda kan saiyang marigmat asin kantohan na pagsuba, maliksing pagbutas nin tuyaw sa dawa ano na sanang nabobotbotan na isyu.
Sarong halimbawa kan suba niyang maragsip: "Ano (ngaya) ta pirmi na sanang sarado an mga kasilyasan sa gasolinahan?" "Ano takot sindang malinigan an mga kasilyasan na ini?"
Siya nagkamit nin apat na Grammy Awards, lambang saro kaini sa komedi album na marayrahay ipinahayag asin siya man nanominar sa limang Emmy awards. Nakamit niya man sarong premyo sa ginibong ika-11 taonan na Papremyong Mark Twain para sa American Humor.
Mga enot na taon
baguhonSi Carlin namundag sa Manhattan, an ikaduwang aki sunod sa matuang si Patrick na nagin parasurat man, sa magurang niyang si Patrick Carlin asin an agom kaini na si Mary Beary, sarong sekretarya. [2] An saiyang pamilya gikan sa dugong Irish asin pinadakula siyang katoliko Romano. Kan siya edad pa sanang duwang bulan, an mama niya nagsuway sa ama niya. An maternal niyang lolohon, si Dennis Beary, sarong imigranteng Irish na nagtrabahong pulis sa Nweba York. Sarong maternal na lolahon niya man na imigrante natandaan niya nagngangaran O'Grady pero nagin Grady pag'abot nang Amerika. Sabi niya, "Hinulog sa dagat an "O" kan pasiring sinda igdi". [3] Ngapit kaidto, pigngaranan niya an sarong karakter sa The George Carlin Show na O'Grady bilang pagtaong onra. Sabi ni Carlin, nakua niya an marayrahay na paggamit kan lenggwaheng Ingles sa ina niya, dawa ngane totoo bakong dayupot an relasyon niya igdi asin parati nalayas siya sa saindang harong.[4]
Siya nagdakula sa West 121st Street, sa tongod kan Manhattan na apod nindang mag'aramigo na "White Harlem" ta mas maisog sa dangog kisa kan tunay na pangaran (Morningside Heights).[5]
Enot nag'entra siya sa Corpus Christi School, sarong sadiri kan Corpus Christi Church sa Nweba York, sa Morningside Heights, [6][7][8] dangan sa Cardinal Hayes High School pero pakalihis sanang tolong semestre,nagpondo siya. Mga inatenderan niya pang mga eskwelahan iyo an Bishop dubois High School sa harlem, an Salesian High School sa Goshyen, Newba York. [9] Dakul na beses nagklsase siya sa Camp Notre. Dame duman sa Spofford Lake sa New Hampshire asin parati nagana siyang papremyo sa drama.[10]
Kan taon 1954, siya nagbali sa United States Air force asin nagin radar technician sa Barksdale Air Force Base sa Bossier City, Louisiana. Dangan nagtrabaho siya komo disc jockey sa istayon nin radio na KJOE sa Shreveport. Bilang "mayong sirbeng airman," sabi niya siya pinahale na sa Air Force kan Hulyo 29, 1957. Masabi pa, kan panahon yaon siya sa Air Force, tolong beses siya na-court martial, saka kun ano-anong kastigo sinapo niya.[11]
Karera
baguhonKan taon 1959, siya asin si Jack Burns nagkaag sarong pag'iriba sa komedi kan an duwa nagtatrabaho pa sa istasyon radyo KXOL sa Fort Worth, Texas. Pero an saindang pag'iriba nagduwang taon sana ta pareho nagsadiri nang sibot.
Mga taon 1960, siya nagluluwas sa mga programang telebisyon kun saen an rutina niya magsagin na:
- Sarong sarhentong Indyano ("You wit' the beads... get outta line")
- Sarong palpal na disc jockey ("Wonderful WINO...")—"The Beatles' latest record, when played backwards at slow speed, says 'Dummy! You're playing it backwards at slow speed!'"
- Al Sleet, an "bangag na weatherman"—"Tonight's forecast: Dark. Continued dark throughout most of the evening, with some widely scattered light towards morning.
Kan mga oras man na ini, siya parati performer asin tagakapot kan programang The Tonight Show, enot katuwang si Jack Paar bilang host, dangan ki Johnny Carson sunod. Pirmi ngane siya naribay ki Carson sa lawig kan tolong dekada pagpadalagan kan programa. Siya man nagpapel sa Away We Go, sarong 1967 pasaleng komedi pig-ayre sa CBS. An pagluluwas niya asin an mga materyal pinapadangog niya mga kumbensyonal pa, mayong kontrobersya, kumpara sa mga huri niyang mga pasale na palaban nang maray.[12]
Komedi album
baguhon- 1963: Burns and Carlin at the Playboy Club Tonight
- 1966: Take-Offs and Put-Ons
- January 27, 1972: FM & AM
- September 29, 1972: Class Clown
- October 1973: Occupation: Foole
- November 1974: Toledo Window Box
- October 1975: An Evening with Wally Londo Featuring Bill Slaszo
- April 1977: On the Road
- November 1981: A Place for My Stuff
- 1984: Carlin on Campus
- July 30, 1986: Playin' with Your Head
- August 15, 1988: What Am I Doing In New Jersey?
- November 20, 1990: Parental Advisory: Explicit Lyrics
- November 10, 1992: Jammin' in New York
- October 27, 1992: Classic Gold
- April 10, 1995: Killer Carlin
- September 17, 1996: Back in Town
- May 14, 1999: You Are All Diseased
- October 19, 1999: The Little David Years (1971-1977)
- December 11, 2001: Complaints and Grievances
- March 12, 2002: George Carlin on Comedy
- January 10, 2006: Life Is Worth Losing
- March 2008: It's Bad for Ya
Filmograpiya
baguhon- 1968 With Six You Get Eggroll
- 1976 Car Wash
- 1979 Americathon
- 1987 Outrageous Fortune
- 1989 Bill & Ted's Excellent Adventure
- 1991 Bill & Ted's Bogus Journey; The Prince of Tides
- 1999 Dogma
- 2001 Jay and Silent Bob Strike Back
- 2003 Scary Movie 3
- 2004 Jersey Girl; Working Trash
- 2005 Tarzan II; The Aristocrats
- 2006 Cars
- 2007 Happily N'Ever After
Kagadanan
baguhonNagadan siya huli sa helang sa puso sa edad na 71.
Mga panluwas na takod
baguhon- http://www.georgecarlin.com/ Kinua 12-01-14
Toltolan
baguhon- ↑ Norman, Michael (June 23, 2008). "George Carlin, counterculture comedians' dean, dies at 71". The Plain Dealer (Cleveland, Ohio). http://www.cleveland.com/people/index.ssf/2008/06/george_carlin_counterculture_c.html. Kinua 12-01-14
- ↑ "George Carlin Biography (1937–)". FilmReference.com.kinua 12-01-14
- ↑ Lovece, Frank (February 16, 1994). "Going, Going, Gone? Carlin goes for home run with comedy series that resembles his real life". Newspaper Enterprise Association via the Reading Eagle. http://news.google.com/newspapers?id=6vghAAAAIBAJ&sjid=pKIFAAAAIBAJ&pg=2453,999986.kinua 12-01-14
- ↑ http://longform.org/stories/playboy-interview-george-carlin Archived 2014-01-23 at the Wayback Machine. kinua 12-01-14
- ↑ Carlin in Dixit, Jay. "George Carlin's last interview". Psychology Today. Archived from the original on June 26, 2008. https://web.archive.org/web/20080626081637/http://blogs.psychologytoday.com/blog/brainstorm/200806/george-carlins-last-interview.kinua 12-01-14
- ↑ "George Carlin: Early Years" Archived 2009-07-08 at the Wayback Machine., George Carlin website (georgecarlin.com)
- ↑ {{cite news | last=Flegenheimer | first= Matt | url = http://cityroom.blogs.nytimes.com/2011/10/25/pondering-a-carlin-street-and-keeping-the-7-words-in-check/ | title = Carlin Street' Resisted by His Old Church. Was It Something He Said? | work = The New York Times |
- ↑ Flegenheimer, Matt (October 25, 2011). "Carlin Street' Resisted by His Old Church. Was It Something He Said?". The New York Times. http://cityroom.blogs.nytimes.com/2011/10/25/pondering-a-carlin-street-and-keeping-the-7-words-in-check/.
- ↑ Gonzalez, David (June 24, 2008). "George Carlin Didn't Shun School That Ejected Him". The New York Times. http://www.nytimes.com/2008/06/24/nyregion/24hayes.html.
- ↑ "Interesting, Strange & Weird New Hampshire Facts". NHTourGuide.com. Archived from the original on 2014-01-01. Retrieved 2014-01-12.kinua 12-01-14
- ↑ http://www.foxnews.com/story/2008/06/23/counterculture-comedian-george-carlin-dies-at-71/ kinua 12-01-14
- ↑ ABC World News Tonight; June 23, 2008.
Sarong saringsing an artikulong ini. Makakatabang ka sa Bikol Wikipedia sa pagparambong kaining pahina.