George Bähr
Si George Bähr (15 Marso 1666 – 16 Marso 1738) sarong Aleman na arkitekto.[1]
Buhay
baguhonSi George Bähr namundag sa sarong tios na pamilya sa Fürstenwalde (ngonyan parte na kan Geising, Saxony), aki nin sarong parahabol. Si padi duman, alagad, tinabangan siya sa gasto sa pag'adal; asin ta siya nangagin peyon sa sarong panday sa kahoy sa Lauenstein, Saxony.
Kan 1690, si Bähr nagpa-Dresden ta matrabaho bilang panday. An pangiturogan niya makapa-Italya sioya ta mahiling idtong mga ba ntogan na mga edipisyo duman, kaya sa saiyang libreng oras siya na'adal nin mechanics, kaya inaapod niya an sadiri komo sarong artista asin mekaniko, asin nadesenyo siya bako sanang mga kastilyo asin mga palasyo kundi man mga bahan kan mga organ.
Kan 1705, edad 39, si Bahr nanombrahan Batikanong Panday sa Siyudad nin Dresden, maski ngani siya mayo nin Sertipiko sa pagpapanday. Saro sa ambisyon niya iyo mapakarhay na husto an mga simbahan kan siyudad. Sa pagtubod niya an mga eksistidong edipisyo makakanos asin dai nataong hustisya sa ginigibong mga serbisyo duman.
An enot niyang edipisyo iyo an simbahan kan paroko sa Loschwitz sa may Dresden, sarong edipisyong pormadong oktagonal, natapos mahaman kan 1708.
An Dresden Waisenhauskirche (Orphanage Church) natugdok mga 1710, na nasundan kan Dreifaltigkeitskirche (Trinity Church) sa Schmiedeberg, sa Ore Mountains, 1713-1716. Sa pag'ultan 1719 asin 1726 an simbahan sa Forchheim natugdok, asin siring man sa Königstein, Hohnstein asin Kesselsdorf (gabos yaon sa Saxony) saka kadakul na mga pagharongon sa Dresden.
Alagad si Bähr mas midbid na gayo kan Frauenkirche sa Dresden. Tinao saiya an trabaho sa paghaman kaini kan 1722; kan 1726, an desen yo pig'uyonan asin an trabaho pinunan. Poon 1730, si Bähr nangagin pinakaenot sa Alemanaya na nagkaigwa kan titulong “Arkitekto”.
Mantang siya nagsisibot sa paggibo kan Frauenkirche, si Bähr namahala man kan pagtugdok kan Dreikönigskirche sa bandang Neustadt, sa Dresden, na pigdesenyo ni Matthäus Daniel Pöppelmann.
Si George Bähr dai nahiling matapos paghaman kan Frauenkirche – nagadan siya sa Dresden, edad 72, asin ilinubong sa kripta kan simbahan. Kan 2004, sarong memorial tinugdok sa pag'onra saiya sa kastilyo sa Lauenstein, kun saen siya nakanood kan saiyang propesyon.
DNA Analisis
baguhonKan 2018, mga parasaligsig sa University of Tuebingen asin kan Max Planck Institute for the Science of Human History sa Jena pig'ugid an genome ni George Bähr. Nadiskubre ninda na siya posible may map'usaw na kublit, kayumanggihon na mata, asin may ginikanan na sentral Europeo.[2][3]
Kataytayan nin mga ladawan
baguhon-
Village Church sa Forchheim -
Stadtkirche sa Hohnstein -
Dreifaltigkeitskirche sa Schmiedeberg -
Simbahan sa Kesselsdorf -
Simbahan sa Loschwitz -
-
-
-
Memorial ki Bahr -
.jpg)
_2006-06-28.jpg)
Toltolan
baguhon- ↑ Fleming, John; Honour, Hugh; Pevsner, Nikolaus (1986) [1966]. Dictionary of Architecture
(3 ed.). Penguin Books Ltd. p. 27. ISBN 0-14-051013-3.
- ↑ Peltzer, Alexander; Mittnik, Alissa; Wang, Chuan-Chao; Begg, Tristan; Posth, Cosimo; Nieselt, Kay; Krause, Johannes (1 February 2018). "Inferring genetic origins and phenotypic traits of George Bähr, the architect of the Dresden Frauenkirche". Scientific Reports 8 (1): 2115. doi:. PMID 29391530. Bibcode: 2018NatSR...8.2115P.
- ↑ Max Planck Institute for the Science and Human History. "A Typical Central European - The Genome of the Architect of the Dresden Frauenkirche Deciphered". Retrieved 1 December 2020.
