Si Ganga (Sanskrito: गङ्गा o गंगा, romanisado: Gaṅgā) an personipikasyon kan salog Ganges, na sinasamba kan mga Hindu bilang diosa nin pagdalisay asin kapatawadan.

Kalighat na pinta kan diosa na si Ganga kan ika-19 na siglo

Midbid sa dakol na ngaran, si Ganga parateng ilinaladawan bilang sarong maputi, magayon na babae, na nakasakay sa garo banal na buayang linalang na inaapod na makara. An nagkapira sa kaenot - enoteng pagkasambit ki Ganga manonompongan sa Rigveda, kun saen nasambitan siya bilang an pinakabanal sa mga salog. An saiyang mga estorya prinsipalmenteng minalataw sa mga tekstong post-Vedic arog kan Ramayana, Mahabharata, asin sa Puranas.

Ilinadawan siya[1] kan Ramayana na panganay ni Himavat, an personipikasyon kan Himalayas, asin an tugang kan inang diosa na si Parvati. Minsan siring, sinasambit kan ibang teksto an ginikanan niya gikan sa dios na tagamantinir, si Vishnu. An mga leyenda nakasentro sa paghilig niya sa daga, na nangyari huli sa sarong hadeng si Bhagiratha, na tinabangan kan dios na si Shiva. Sa epikong Mahabharata, si Ganga iyo an ina kan guerrerong si Bhishma kasaro kan hade nin Kuru na si Shantanu.

Sa Hinduismo, si Ganga itinuturing na ina nin katawohan. Sa mga pilgrims an abo kan saindang kaanak linuloblob sa salog Ganga, na ibinibilang ninda na nagdadara kan kalag (nakadalisay na mga espiritu) na mas harani sa moksha, an pakabutas sa siklo nin buhay asin kagadanan. Ipigseselebrar an mga Festival arog kan Ganga Dussehra asin Ganga Jayanti sa saiyang onra sa nagkapirang sagradong lugar, na yaon sa pangpang kan Ganges, kaiba si Gangotri, Haridwar, Prayagraj, Varanasi asin Kali Ghat sa Kolkata. Kaiba ni Gautama Buddha, si Ganga sinasamba durante kan kapiestahan nin Loy Krathong sa Thailand.

Toltolan baguhon

  1. Kumari, M. Krishna (2018). Iconography of Gaṅgā and Yamunā (in English). B.R. Publishing Corporation. ISBN 978-93-86223-70-8.