Gandhi Square
An Gandhi Square (dati Van Der Bijl Square asin Government Square) sarong plasa namumugtak sa Central Business District kan Johannesburg, South Africa. ni ipigngaran sa aktibista politikal na si Mahatma Gandhi.
Historya baguhon
Kan 1900 sa lugar na dati inapod na Government Square harani sa Court House, kan 31 Mayo Field Marshal Roberts pigresibi an paglito o pagsuko kan siyudad hale ki Z.A.R. Commandant, Dr. F.E.T. Krause.[1] Si Judge Krause pignomgrahan na iyo an pamayo kan siyudad asin siya an nakapugol na dai magdinamita kan minahan bulawan duman.[2] An mga Briton tinugotan na sinda mag'ebakwit sa laog nin sarong aldaw sa Johannesburg basta dai paboagon an mga minahan bulawan.[1]
An square na ini harani sana sa Rissik Street asin yaon sa kanto kan Rissik asin Anderson na si Mahatma Gandhi duman dati nag'oopisina o may bupete. Sarong estatuwa ni Mahatma Gandhi an itinindog sa square kan Oktobre 2003.[3]
Bago ini naproyekto na nagin Gandhi Square, an dati ining Van Der Bijl mayo nang kamugtakan asin ro'ro' nang marhay. Yaon ini sa sentro kan lugar na tios na gayo asin nakakaraot hiling sa Johannesburg. Dangan, kaamayi kan mga 1990, si Gerald Olitzki, sarong property developer, pigdulok an gobyerno kan saiyang proyektong pagayonon an lugar. Dawa kan enot pighaboan siya, an gobyerno nagtugot man giraray asin an proyekto natapos kan 2002,[4] sa gastong uminabot mga R2 milyon. An lokal na istasyn nin bus pinakarhay asin pinagayon man, asin mga tindahan nagbaralik na sa lugar ta may toltol nang seguridad sa bilog na 24 oras.
Toltolan baguhon
| An Wikimedia Commons igwa nin medya dapit sa Gandhi Square. |
- ↑ 1.0 1.1 Blue plaque illustrated
- ↑ Alfred, Mike. "The Life of Judge F E T Krause" (PDF). .parktownheritage.co.za. Retrieved 21 July 2013.
- ↑ Harrison, Philip (2004). South Africa's top sites (1st ed.). Klenilworth: Spearhead. ISBN 0864865643.
- ↑ "Gandhi Square". www.gauteng.net. Archived from the original on 19 January 2015. Retrieved 21 July 2013.