Franz Ziereis
Si Franz Xaver Ziereis (13 Agosto 1905 – 24 Mayo 1945) iyo an commandant kan Mauthausen concentration camp poon 1939 hanggan an kampo nasikop asin napalibre kan pwersa Amerikano kan 1945.
| Franz Ziereis | |
|---|---|
 | |
| Kamundagan | 13 Agosto 1905 Munich, Kingdom of Bavaria, German Empire |
| Kagadanan | 24 Mayo 1945 (edad 39) Mauthausen-Gusen, Upper Austria, Allied-occupied Austria |
Dahilan kan kagadanan | Gunshot wounds |
Kaamayi nin buhay asin karera sa SS
baguhonSi Ziereis namundag kan 13 Agosto 1905 sa Munich, Kahadean nin Bavaria, Imperyong Aleman (ngonyan parte na kan Bavaria, Alemanya), kun saen siya nagtostos nin walong taon sa pag'adal sa elemtarya dangan nagpeyon bilang mensahero sa sarong tindahan. Sa banggi siya nag'aadal nin komersyo. Ngapit siya kan taon 1932 nagtrabaho bilang surogoon sa sarong karpenteriya.
Si Ziereis nagbali sa Reichswehr (hokbo') kan 1 Abril 1924, sa peryodong 12 taon. Naabot niya an ranggong SS-Obersturmführer sin natokahjan na magin maestro sa SS-Totenkopfverbände. Kan 1937 siya tinawan pwesto bilang tagapamahalahe kan yunit na Totenkopfverbände asin kanig igdi training instructor.[1]
Namahala kan kampo konsentrasyon
baguhon
Si Zeireis pigsanglean si Albert Sauer bilang commandant kan Mauthausen kan 9 Pebrero 1939 sa pagboot ni Theodor Eicke, Inspector kan Concentration Camps. Si Ziereis nataas sa ranggo na SS-Sturmbannführer kan 25 Agosto 1939 asin kan 20 April 1944 naresibi niya an [romosyon nin sa ranggong SS-Standartenführer.[2]
Pagdulag pakatapos kan gera asin saiyang kagadanan
baguhonSi Ziereis nagdulag kaiba saiyang agom kan 3 Mayo 1945, alagad nasusugan 1000 na milya (160 km) distansya sa kampo kan hokbong Amerikanong yunit kan 23 Mayo 1945. Kan siya nagngata na maglungkas padulag, an mga Amerikanong soldados binadil siyang tolong beses sa tulak asin dinara siya sa hospital militar kan E.U. na nakaag sa dating Gusen I kampo konsentrasyon. An mga presong grabeng kaanggotan haros banogon siya na magadan kun dai pa pigpondo.[3] Si Ziereis nagadan kaidto paskatapos lang kan interogasyon saiya nin sarong dating preso sa Mauthausen, si Hans Maršálek.[4] Sa saiyang pagpatuga' ipigbulgar niya an mga imbwelto pang iba sa kampo na sinda sa Eduard Krebsbach, na iyo an nag'boot magpatugdok kan gas chamber sa laog kan kampo Mauthausen, si Erich Wasicky, na iyo an naggibo asin si August Eigruber, na iyo an responsable sa mga kamugtakan sa laog kan kampow ta yaon ini sa hurisdiksyon niya. An saiyang bangkay ibinitay sa kudal kan Gusen I kan mga mdating preso duman. Sinda Krebsbach, Wasicky, asin Eigruber ngapit pigbista sa inapod na Mauthausen Trial asin pigbiritay bilang sentensya.[5][6]
Toltolan
baguhon- ↑ Ziereis, Franz. In: Erich Stockhorst: 5000 Köpfe. Wer war was im 3. Reich. VMA-Verlag, Wiesbaden 1967.
- ↑ "Erinnern – Fotos und Dokumente – 1938–1945 – Schlaglichter: 23. April 1945" (in German). Dokumentationsarchiv des österreichischen Widerstandes (DÖW). Retrieved 2021-01-24.
- ↑ "Article clipped from Chicago Tribune". Chicago Tribune: pp. 6. 1945-06-08. https://www.newspapers.com/article/chicago-tribune/25858554/.
- ↑ "Where Murder Was a Way of Life: The Mauthausen Concentration Camp". The National WWII Museum | New Orleans (in English). 2020-05-01. Retrieved 2023-10-06.
- ↑ Das Personenlexikon zum Dritten Reich - Wer war was vor und nach 1945, Frankfurt am Main, 2. Auflage, Juni 2007, ISBN 978-3-596-16048-8
- ↑ "Mauthausen Concentration Camp (Austria)". www.jewishgen.org. Retrieved 2023-12-29.
| An Wikimedia Commons igwa nin medya dapit sa Franz Ziereis. |