Franz Christian Gau

Si Franz Christian Gau (nmdg., Cologne, 15 Hunyo 1790; ngdn. Paris, Enero, 1854) sarong arkitektong Aleman asin arkeologo.

Basilique Ste-Clotilde, Paris

Taon 1809, skiya naglaog sa Académie des Beaux-Arts, Paris, asin siya kan 1815 binisita an Italya asin Sicily. Kan 1817 nagpasiring siya sa Nubia, asin manta na yaon siya duman naggibo siyang mga sukol asin drawing kan gabos na mga importanteng monumento sa nasyon na idto. An saiyang ambisyon kaya makagibong obra na magigin suplemento kan dakulang obra kan ekspidisyon Pranses duman sa Ehipto. An resulta kan saiyang kapagalan pinaluwas sa sarong folio (Stuttgart asin Paris, 1822), tituladong Antiquitiés de la Nubie ou monuments inédits des bords du Nil, situés entre la premiére et la seconde cataracte, dessinés et mesurés in 1819. Ini binibilog nin 68 plaka, nin mga plano, seksyon asin patanaw, asin ini hiniling na masasarigan. An sunod niyang publikasyon iyo an pagsangkap kan obra ni Mazois manongod kan rugba nin Pompeii.

Kan 1825 si Gau nagin naturalisadong Pranses, asin ngapit pignombrahan bilang Arkitekto kan Syudad nin Paris. Saiyang pinamayohan an proyektong paghirahay kan mga simbahan nin Saint-Julien-le-Pauvre, asin kan Saint-Séverin. Siya man an nagtogdok kan Preso nin La Roquette, etc. Sa saiyang pangaran, natakod an pagkabuhay liwat kan arkitekturang Gothic sa Paris, huli ta pigpo'nan niya kan 1846 an pagpatindog kan Simbahan nin Sainte-Clotilde. Ini daa an primerong modernong simbahan pinatindog sa kabesera sa siring na istilo. Helang nagpirit saiya na butsan an proyekto, asin ta siya nagadan dai pa natatapos an trabaho.

Si Gau mentor ki Gottfried Semper.

Ginunuan

• Plantilya:Catholic The entry cites:
  • Imperial Dict. Univ. Biog.;
  • Michaud, Biog. Univ.