Forrest F. Dryden
Si Forrest Fairchild Dryden (Desyembre 26, 1864 – Hulyo 20, 1932) iyo an nagin presidente kan Prudential Insurance Company of America (ngonyan, Prudential Financial) poon 1912 sundo 1922. An Prudential tinugdas kan saiyang ama, si John F. Dryden, na saro man na senador nin Estados Unidos, nagrerepresentar kan New Jersey.
| Forrest F. Dryden | |
|---|---|
.png)
| |
| Ika-2ng Presidente kan Prudential Insurance Company | |
| Termino 1912–1922 | |
| Suminunod ki | John F. Dryden |
| Sinundan ni | Edward Dickinson Duffield |
| Personal na mga detalye | |
| Kamundagan | Forrest Fairchild Dryden Desyembre 26, 1864 Bedford, Ohio, E.U. |
| Kagadanan | Hulyo 20, 1932 (edad 67) Bernardsville, New Jersey, E.U. |
| Mga aki | 3 |
| Mga magurang | John F. Dryden Cynthia J. Fairchild Dryden |
| Edukasyon | Newark Academy Phillips Academy |
| Lagda | .png){kind=small}
|
Kaamayi nin buhay
baguhonSi Dryden namundag sa Bedford, Ohio kan Desyembre 26, 1864. Siya aki ni John Fairfield Dryden (1839–1911) asin Cynthia Jennings (née Fairchild) Dryden (1842–1916). An ama niya, si John F. Dryden iyo an kagtugdas asin presidente kan Prudential Insurance Company. An saiyang tugang na babae, si Susan naagom si Anthony R. Kuser. An saindang aki, si John Dryden Kuser, sobrino niya, nagin senador nin estado asin agom na enot ni Brooke Astor.
Si Dryden nagklase sa Newark Academy asin dangan sa Phillips Academy sa Andover.
Karera
baguhonSiya nagpoon magtrabaho sa Prudential Insurance Company kan 1888. Siya nagin superintendente sa opisna nin Prudential sa Elizabeth New Jersey kan 1889. Nag'ayon siya sa Hunta Direktiba asin nagkapot katongdan bilang sekretaryo kan 1890. Dangan kan taon na idto, siya napili na sekretaryo kan kompanya. Durante kan paglingkod kan saiyang ama bilang senador para sa New Jersey, siya an nagin presidenteng akting sa Prudential. Si Dryden nataas komo ikatolong bise presidente kan 1903, ikaduwang bise presidente kan 1906 asin bise presidente kan 1911.
Sa pagkagadan kan saiyang ama kan 1912, siya an nagsalida bilang presidente kan Prudential. Siya dagos-dagos nagkapot kan siring na katongdan sa Prudential sagkod na siya nagbutas kan 1922 huli sa kahelangan.[1] Siya sinanglean kan general solicitor nin Prudential asin akting na presidente na si Edward Dickinson Duffield,[2] na haloy nang yaon sa kompanya poon pa kan 1906.[1]
Toltolan
baguhon- ↑ 1.0 1.1 "Dryden Out as Head of Prudential Life; Poor Health Causes Resignation of President of Insurance Company Since 1912. Lockwood Quiz is Blamed; Examination by Untermyer Aggravated Illness, Say Friends--Duffield Succeeds, Him.". The New York Times: p. B33. 15 August 1922. https://timesmachine.nytimes.com/timesmachine/1922/08/15/99056580.pdf. Retrieved on 2023-07-01.
- ↑ The Standard (in English). Standard Publishing. August 26, 1922. p. 331. Retrieved 20 May 2019.
