Forest Whitaker
Si Forest Steven Whitaker III (namundag Hulyo 15, 1961) sarong Amerikanong aktor, prodyuser, asin direktor.
| Forest Whitaker | |
|---|---|
 Whitaker kan Pebrero 2014 | |
| Kamundagan | Forest Steven Whitaker III Hulyo 15, 1961 Longview, Texas, U.S. |
| Trabaho | Aktor, prodyuser, direktor |
| Mga taon na aktibo | 1982–presente |
| Agom | Keisha Nash (1996) |
| Mga aki | 4 |
| Sadiring-tao | Kenn Whitaker (tugang) |
Si Whitaker daa may reputasyon sa hararom na pag'adal sa karakter kan mga papapelan niya sa mga pelikula siring kan mga ginibo niya sa Bird, The Crying Game, Platoon, Ghost Dog: The Way of the Samurai, The Great Debaters, The Butler asin Arrival.[1][2][3] Siya nagpapel man sa mga pelikulang blockbuster Rogue One: A Star Wars Story bilang si Saw Gerrera asin sa Black Panther bilang Zuri.[4]
Buhay asin edukasyon
Namundag si Whitaker Hulyo 15, 1961, aki ninda Laura Francis (née Smith), sarong maestra na sadiring nagpaadal saiya mansana, asin si Forest Steven, Jr., sarong salesman nin seguro. An ina niya may dugong Akan, manta an ama niya may dugong Igbo. Kan siya apat pa sana, mga magurang niya naghubo sa Carson, California. si Whitaker may duwang tugang, Kenn (a aktor) asin si Damon, saka sarong tugang na babae matua saiya, si Deborah. OLInakaen ot na papel niya bilang aktor iyo kan kinaptan niya an mayor na papel sa pelikula ni Dylas Thomas: Under Milk Wood.[5][6][7]
Siya nag'entra sa Palisades Charter High School asin nagkawat futbol sa team asin nagbali sa koro sa pagkanta, nagtapos kan 1979. Dangan nag'adal sa California State Polytechnic University, Pomona, sa football scholarship alagad nagpondo siya sa pagkawat ta nagkaigwang mate sa likod kaya nagbalyo siya sa pag'adal nin pagkanta ta maray man boses niya. Siya naglibot sa Inglatierra kaiba an Cal Poly Chamber Singers kan 1980. Kan yaon pa sa Cal Poly, hinira niya an mayor na kurso niya sa drama. Naako siya sa Music Conservatory sa University of Southern California sa pag'adal opera bilang tenor, asin sunod naako siya sa Drama Conservatory kan nasabing unibersidad. Nagtapos siya sa USC may bitbit na Bachelor of Fine Arts degree sa Acting kan 1982. Nag'ani siya nin scholarship sa Berkeley, California sa sanga kan Drama Studio London. Si Whitaker nagkua nin adal sa inaapod na "The Core of Conflict: Studies in Peace and Reconciliation" sa New York University, Gallatin School of Individualized Study kan 2004.[8]
KareraLiwaton
Si Whitaker halawig nanggad an karera sa pelikula asin may swerteng nakaiba niya sa trabaho mga marayrahay na mga direktor asin mga aktor. Kan 1982 iyo an nagpoon siyang masasabing maonabihan sa pag'akting bilang sarong parakawat futbol sa haiskul sa pelikula ni Cameron Crowe tituladong Fast Times at Ridgemont High. Kan 1986, siya nagluwas sa pelikulang The Color of Money ni Martin Scorsese, dangan sa Platoon, direhido ni Oliver Stone. Sunod na taon, nagluwas siya sa pelikulang pang-komedya, an Good Morning, Vietnam. Kan 1988, si Whitaker nagluwas sa pelikulang Bloodsport asin nagkaigwa nin mayor na papel bilang bida sa pelikulang "Bird" ni Clint Eastwood, kun saen siya sarong musikerong si Charlie "Bird". Sa papel na ini, maigot na inadalan niyang husto an trabaho niya mala ta sige praktis niya sa sarong kwarto sa saxophone, hararom nagkuang mga leksyon manongod sa pagkawat kaini. Mala ta an saiyang performance nasasabing kahusay-husay asin nagmerito asin nakasikwit kan enot niyang Best Actor Award sa 1988 Cannes Film Festival asin nominasyon sa Golden Globe. Sa mga taon masurunod, nahihiling an saiyang mahusay nanggad na rekord bilang sarong aktor asin prodyuser.[9][10]
PelikulaLiwaton
| Taon | Titulo | Nota |
|---|---|---|
| 1993 | Strapped | |
| 1995 | Waiting to Exhale | |
| 1998 | Hope Floats | Nominated – Acapulco Black Film Festival Award for Best Director Nominated – Black Film Award for Best Director |
| 2004 | First Daughter |
ToltolanLiwaton
- ↑ "In general, he rules." The Boston Globe. October 1, 2006.
- ↑ "Forest Whitaker: The King Of The Oscars?". January 31, 2007. http://www.cbsnews.com/stories/2007/01/31/sunday/main2418981.shtml.
- ↑ Sternbergh, Adam. "Out of the Woods: How Forest Whitaker escaped his career slump." New York. January 9, 2006.
- ↑ [1]www.imdb.com.Kinua 17-04-18
- ↑ [2]www.imdb.com.Kinua 17-04-18
- ↑ [3] www.biography.com. Kinua 17-04-18
- ↑ [4]www.tv.com. Kinua 17-04-18
- ↑ [5] www.biography.com. Kinua 17-04-18
- ↑ [6]www.imdb.com.Kinua 17-04-18
- ↑ [7] www.biography.com. Kinua 17-04-18
- ↑ "The Follow". http://cinearchive.org/post/42839965048/the-follow-wong-kar-wai-short-film-2001. Retrieved on November 11, 2016.
- ↑ "REPENTANCE – IN THEATERS FEBRUARY 28, 2014". Codeblack.com. http://codeblack.com/seekrepentance/. Retrieved on February 8, 2014.
