Flaviana Charles

Si Flaviana Charles sarong abogadang Tanzanian asin executive director kan Business and Human Rights Tanzania. Aktibong myembro man sya kan African Union's Network of African Women in Conflict Prevention and Mediation.

Flaviana Charles
Pagkahimanwa	Tanzanian
Edukasyon	LLB from University of Dar es Salaam - 2002 Master’s (International Law and Human Rights) from Coventry University - 2010 Postgraduate in Law, Mediation and Arbitration
Trabaho	Lawyer
Organisasyon	Business and Human Rights Tanzania

Buhay

Si Flaviana Charles nagdakula sa Mtandika, Tanzania na dai nin mga magurang.Si Charles nakapagklase man sa Mtandika Trade School sa paagi nin sponsorship grant, saro sa sampulong estudyante na nakagibo nin siring. Pigpadakula sya kan madreng si Sister Barberina Mhagala, an proctor kan eskwelahan, kun sain nagtatau sa mga hoben na babayi nin edukasyon-sekondarya asin kakayahan sa pagtatahi.

Kan 2002, si Charles natapos an Bachelor of Laws (LLB) sa University of Dar es Salaam dangan nagkua man nin master's degree sa International Law and Human Rights kan 2010 sa Coventry University in England.

Karera

Makalihis na makagradwar, si Flaviana Charles nagin program officer sa Legal and Human Rights Centre sa Tanzania. Si Charles nagin myembro kan pirang mga organisasyon na nakasentro sa batas asin deretsos kan mga tawo, kabali igdi an Tanganyika Law Society (Continuing Legal Education Committee), East African Law Society, African Coalition for Corporate Accountability, Tanzania Women Lawyers Association, asin Tanzania Human Rights Defenders Association. Dugang pa kaini, si Charles nagtukdo sa University of Bagamoyo asin sa Law School of Tanzania, kun sain ini nagtututok sa gender equity, community investment rights, deretsos na makapaglinig, asin corporate social responsibility.