Filipino-Japanese Friendship Landmark

An Filipino-Japanese Friendship Landmark iyo sarong pan-giyerang memoryal sa banwaan nin Pili, Camarines Sur, Filipinas. Ini mahihiling sa Bukid Isarog sa Sitio Boncao, Barangay Curry.

Filipino-Japanese Friendship Landmark
LokasyonBurol nin Boncao, Pili, Camarines Sur, Filipinas
UriPan-giyerang memoryal
Natápos kadtong1985
Inihandog kiPagtatapos kan Ikaduwang Gerang Pankinaban sa Rehiyon Bikol

Kan Ikaduwang Gerang Pankinaban, an Puwersang Imperyal kan mga Hapones nagtago asin naggibo nin mga kalot sa mga natural na kuweba sa Burol nin Boncao sa pamitisan kan Bukid Isarog. Ini an nagsirbing lokasyon kan saindang huring pagtindog sa Rehiyon Bikol kan taong 1945.[1]

An pangdaga na marka pigkaag sa sityo sa pagtatabangan kan Isarog-Kai asin kan probinsya nin Camarines Sur na pigrepresentar kan nagligad na Bise-Gobernador Jose B. Velarde. Ini pig-inaguraran kan Oktubre 23, 1985 bilang pagkomemorar sa pagtatapos kan giyera asin puon kan marhay na relasyong Hapon-Filipinas.[1]

Toltolan baguhon

  1. 1.0 1.1 "Resolution No. 6 s. 1996". National Historical Commission of the Philippines. National Historical Institute. 16 Oktubre 1996. Pighugot kan 2019-09-07.