Fernando Higueras

Si Fernando de Higueras Díaz (Nobyembre 26, 1930 – Enero 30, 2008) sarong Espanyol na arkitekto. Siya an saro sa bantogan na marhay na arkitekto sa kinaban durante kan mga taon 1970. Siya namundag sa Madrid. Naggradwar komo arkitekto sa Superior Technical School of Architecture of Madrid kan 1959. An trabaho niya bisto sa bilog na kinaban bilang orihinal asin interesanteng pagsaro kan konstruktibista, rationalista asin organikong arkitektura. Si Higueras saro pa man na musiko, pintor, asin potograpo. Siya nagadan sa Madrid, sa edad na 77.

Arkitekto Fernando Higueras Díaz

Instituto del Patrimonio Historico Espanol (Madrid)

An ki Higueras na arkitektura nagpapahiling nin pakikipagbagay sa natural asin pisikal na kapalibutan. An saiyang pakasabot nin arkitektura naggikan sa popular na kontemporaryong mga tirada, asin an mga pambihira alagad simpleng solusyon istruktural, siring kan mga pambarat, bagay na nakakaimpluensyang gayo. An saiyang trabaho yaon sa MoMA sa Nweba York. An mga matimbang na obra ni Higueras kabarali an: Spanish Pavilion namumugtak sa New York City (1963), sarong edipisyong multi-purpose para sa Montecarlo (1969), an La Macarrona Residence sa Somosaguas, Madrid (1971-1976), an Fierro House sa Marbella (1971), an Castellana sa numero 266 Paseo de la Castellana yaon sa Madrid asin an Sede del Instituto del Patrimonio Histórico Español. Siya man an nagdesenyo kan Museo de Antonio López Torres, na yaon sa Tomelloso, Ciudad Real.

Si Higueras iyo an nanggana nin magkapirang mga kompetisyon arkitektural , kabali an Montecarlo Polivalet Building (1969) asin an Ministry of Foreign Affairs sa Abu Dhabi (1980).

Kataytayan nin mga ladawan

• 
  Pozuelo de Alarcon-Sta Maria de Cana
• 
  Edficio Princesa
• 
  Edificio Castellana
• 
  Edificio de Fernando Higueras
• 
  Edificio Serrano 69
• 
  Munisipyo kan Syudad Real

Toltolan

• http://www.elpais.com/articulo/arte/Fernando/Higueras/infinito/elpepuculbab/20080705elpbabart_10/Tes

Mga panluwas na takod

• Fernando Higueras web site
• Fernando Higueras, biography in El Poder de la Palabra (in Spanish)