Feminismo

An Feminismo sarong katiponan nin mga sosyo-politikal na paghiro, ideolohiya na kahulugan ,politikal, ekonomikal, personal asin sosyal na pagkakapantay-pantay kan mga tawo. Pinag-iinkorporar kan Feminismo an posisyon na an sosyodad nagtatau nin prioridad sa lalaking paghiling,asin man an mga babayi pinagtatratar nin dae patas sa laog kan sosyodad. An mga lakdang na pighaman tangani na mabago ini iyo an paglaban sa gender stereotypes asin paghanap na maka-establisar nin edukasyonal asin propesyonal na oportunidad para sa mga babayi na patas man para sa mga lalaki..

An mga Feminismong paghiro nagkampanya asin nagpapadagus sa pagkampanya para sa mga deretsos kan mga babayi kairiba igdi an deretsos na makapagboto, magkapot nin pwesto sa gobyerno, magtarabaho makakua nin patas na sweldo, tama na bayad,asin mahali an gender pay gap, magkaigwa nin pagrurugaring, makaresibe nin edukasyon, maglaog sa mga kontrata, magkaigwa nin pantay na karapatan sa laog kan pag inaguman, asin magkaigwa man nin maternity leave. An mgma Feminista nagtrabaho man tangani na maasigurar an akses sa legal na aborsyon asin sosyal na integrasyon asin man makapagproteher nin mga babayi kontra sa rape, sexual harrasment, asin domestic violence. An paghira kan gubing asin akseptadong pisikal na gibo, kairiba man sa mga lakdang kan mga feminista.

Pira sa mga iskolar pinagkokonsiderar na kampanya kan mga feminista bilang mayor na pwersa sa likod kan darakulaon na makasaysayan na pagbabago sa sosyodad para sa mga deretsos kan mga babayi, partikularmente sa Subangan, kun asin sinda pinagbibisto sa saindang naginibuhan tangani makaboto an mga babayi, magkaigwa nin gender-neutral laguage, reproductive rights para sa mga babayi (kairiba an contraceptives asin aborsyon), asin an deretsos na maglaog sa kontrata asin magkaigwa nin sadiring pagrurugaring. Dawa pa ngani an adbokasiya kan mga Feminista nakapokus sa deretsos kan mga babayi, an iba sainda, kairiba an bell hoooks, pinaglalaban man magkakaigwang pantay na deretsos an mga lalaki huli ta nagtutubod man sinda na an mga lalaki nakakaranas man nin opresyon gikan sa tradisyunal na gender roles.