Ama

An ama (Ingles: father) iyo an magurang na lalaki nin sarong aki. Apwera sa paternal na bogkos nin ama sa saiyang mga aki, an ama posibleng igwa nin parental, legal, asin sosyal na relasyon sa aki na may kaibang nagkapirang diretso asin obligasyon. An kag-ampon na ama iyo an sarong lalaki na nagin magurang sa aki sa paagi kan legal na proseso nin pag - ampon. An tunay na ama iyo an lalaking henetikong paraambag sa paglalang kan omboy, sa paagi kan sekswal na pagdodorog o donasyon na gikan sa semilya nin lalaki. An sarong tunay na ama posibleng may legal na mga obligasyon sa sarong aki na dai niya pinadakula, arog baga nin obligasyon na suportaran siya nin kwarta. An inaapod sa Ingles na putative father iyo an sarong lalaki na an biyolohikal na relasyon sa aki iyo soboot alagad dai pa naestablisar. An padrasto iyo an sarong lalaki na agom kan ina nin sarong aki asin posibleng sinda magin pamilya, alagad sa pankagabsan mayo kan legal na mga deretso asin paninimbagan nin magurang na may kinaaraman sa aki.

Sarong ama kaiba an saiyang aki.

An panmidbid na "paternal" nanunungod sa sarong ama asin kabaing kan "maternal" para sa sarong ina. An paghiro na "magin ama" boot sabihon maglalang nin aki sa paagi nin pagdodorog o magpadakula nin aki iyo an kun saen ginuno man an pangngaran na "pagigin ama". An mga biyolohikal na ama iyo an nagdedeterminar sa sekso kan saindang aki sa paagi kan selula nin semilya na posibleng igwa nin X chromosome (female), o Y chromosome (male). An mga konektadong termino nin pagranga sa ama iyo an (dada, daddy), baba, papa, pappa, papasita, (pa, papa) asin pop. An sarong ehemplong lalaki na pwedeng pangarugan nin mga aki kun beses inaapod na father-figure.