F. Sionil José

Francisco Sionil Jose (Desyembre 3, 1924- Enero 6, 2022) sarong pilipinong parasurat na iyo an saro sa pinakadakol an nagbabasa sa tataramon na Ingles. Sarong Artista  Nasyonal kan Pilipinas para sa Literatura na iginawad saiya kan 2001,an saiyang mga nobela asin haralipot na istorya naglaladawan kan sosyal na pag iiwal nin klase sa sosyodad. An saiyang mga isinurat na nakasurat sa Ingles na trinadusir sa 28 lenguahe kaiba an Koreano, Indonesia, Czech, Ruso, Latviano, Si Ucraciano, asin Holandes. Saro sya sa pirmeng tigkokonsiderar na nangengenot na kandidatong Pilipino para sa Premyo Nobel Prize sa Literatura.

Buhay

Si José inaki sa Rosales, Pangasinan, an lugar kadaklan sa saiyang mga istorya. Sa saiyang pagkaaki yaon siya sa Barrio Cabugawan, Rosales, kun sain saiya enot na nagpoon magsurat. Si José hali sa angkan kang Ilocano kun sain ang saiyang pamilya naglipat sa Pangasinan bago pa man siya inaki. Nganing makahali sa pagtios, naglakbay an saiyang mga ninuno hali sa Ilocos pasiring Cagayan Valley sa paagi kan Santa Fe Trail. Arog kan mga pamilyang migrante, dinara ninda an saindang mga pang habambuhay na pagsasadiri, kaiba na egdi mga nabubunot na molave hale sa mga dati nindang harong, asin man an saindang alsong, sarong gapong mortar para sa bagas.