Eter

An mga eter (Ingles: ether) iyo sarong klase nin mga organikong kompuwesto na igwa nin eter na grupo—sarong oksihenong atomo na nakatakod sa duwang alkyl o aryl na grupo. Sinda iyo may heneral na pormulang R–O–R′, kun sain an R asin R′ iyo minarepresenta sa alkyl o aryl na grupo.

An heneral na istraktura kan eter. An R asin R' iyo minarepresenta sa maski anong alkyl o aryl na substituente.

An mga eter pwede liwat maklasipika sa duwang baryente: kun an mga alkyl na grupo iyo parehas sa manig-ibong na gilid kan oksihenong atomo, ini iyo simple o simetrikong eter, mientras kun sinda iyo lain, an eter iyo inaapod na salak o dae-simetrikong eter. Sarong tipikal na halimbawa kan enot na grupo iyo an panunaw asin anestetikong diethyl ether, harus simpleng inaapod na "ether" (CH₃–CH₂–O–CH₂–CH₃). An mga eter iyo harus manunudan sa organikong kimika sagkod ngani mas lakop sa biyokimika, huli ta sinda iyo parehas na takod sa mga karbohidrato asin lignin.