Estudiantina
An Estudiantina (inapod dati Estudiantinas de Nueva Caceres, asin ngonyan inaapod nang Estudiantina de la Soledad], sarong grupong rondalla na tuyong natugtog sa aldaw nin Biyernes nin Semana Santa, sa banggi kaini sa pagprusisyon kan Soledad sa siyudad kan Naga, Filipinas. Ini tinogdas ni Gabriel Prieto asin orihinalmente an mga myembro kaini naghahale sa Knights of Columbus. Sinsabing tinogdas ini kan 1910 asin iyo an "pinakaenot asin pinakagurang na grupong rondalla sa Ronang Bicol."
An Semana Santa parati natotongod sa ultimong semana kan Marso o sa enot na semana kan Abril. Ngonyan na 2010, an Estudiantina nagbilang umabot 75 asin kadakulan mga hubin an mga kaapil. An mga instrumentong dara ninda iyo an banduria, gitara, triangulo, flauta, bombo, byolin, marakas asin tamborin. Igwa sa enotan kan prusisyon an may darang tablang marakas na pinapalagatak mantang nag'iisog an linya.
An mga kaapil igdi nabado nin itom komo pasabot nin pagloloto sa panahon na si Kristo pinasakitan asin ipinako sa Krus.
An tradisyon nin pagtogtog bilang estudiantina naghahale pang Espanya asin Mehiko. Sa Espanyol, an sentidong komun kan tataramon na "estudiantina" boot sabihon sarong grupong mga estudyante na mga paratogtog, o sarong banda sa musika nin mga estudyante.[1]
Toltolan baguhon
Ginunuan baguhon
- Our Delegates to the Constitutional Assembly. Benipayo Press. Manila 1935.
- The Best Of (The Beast In) Nick V. Prieto. 228 p. 2000. Tiniripon asin kadamotan kan mga artikulong sinurat ni Prieto, na ipinagpublikar sa manlaenlaen na mga peryodiko asin magasin, igdi sa Naga saka sa Manila.