William H. Seward
Si William Henry Seward (Mayo 16, 1801 – Oktobre 10, 1872) sarong Sekretaryo nin Estado kan Estado Unidos poon 1861 abot 1869, asin mas amay pa nagsirbe siya bilang Gobernador kan Nueba York, dangan komo Senador kan Estados Unidos. Siya mas nabisto bilang maigot na nagkokontra sa paglakop kan Kaoripnan sa mga taon bago nagputok an Gera Sibil. Naomaw siyang gayo sa mahusay na pagpapel niya bilang Sekretaryo kan Estado sa panahon na gayo kan Gera Sibil Amerikano.[1]
| William H. Seward | |
|---|---|
| |
| 24th United States Secretary of State | |
| Termino March 5, 1861 – March 4, 1869 | |
| President | Abraham Lincoln Andrew Johnson |
| Suminunod ki | Jeremiah S. Black |
| Sinundan ni | Elihu B. Washburne |
| United States Senator from New York | |
| Termino March 4, 1849 – March 3, 1861 | |
| Suminunod ki | John Adams Dix |
| Sinundan ni | Ira Harris |
| 12th Governor of New York | |
| Termino January 1, 1839 – December 31, 1842 | |
| Lieutenant | Luther Bradish |
| Suminunod ki | William L. Marcy |
| Sinundan ni | William C. Bouck |
| Personal na mga detalye | |
| Kamundagan | William Henry Seward Mayo 16, 1801 Florida, New York |
| Kagadanan | Oktobre 10, 1872 (edad 71) Auburn, New York |
| Partido politikal | Anti-Masonic, Whig, Republican |
| Agom | Frances Adeline Seward |
| Mga aki |
|
| Alma mater | Union College |
| Trabaho | Lawyer, Land Agent, Politician |
| Pagtubod | Episcopalian |
| Lagda | 
|
Si Seward namundag sa Florida, Nweba York kan Mayo 16, 1801. Naggraduar siya sa Union College sa Schenectady, Nweba York kan 1820. Kan 1830 ginana niya an pwesto sa Senado kan Estado asin nagtukaw man Gobernador poon 1838 abot 1840. Si Seward nangengenot para sa nominasyon bilang kandidato kan Partido Republikano kan 1860 sa pagkapresidente alagad ta mas radikal an saiyang mga paninindogan sa dakul na isyu, mas pinili kan Partido si moderadong Abraham Lincoln an magin kandidato ta linalamag an boto kan mga estadong mataong dakulang kapangganahan. Totoo an pangggana ni Lincoln iyo logod an nagtolod sa mga Estadong Habagatan na magsuway sa Unyon asin magtogdas kan inapod na Confederadong mga Estado nin Amerika.[2]
Si Seward iyo an namoon sa pagbakal kan Alaska sa Rusya kan 1867 kan siya Sekretaryo nin Estado asin ta dakul na tawo an nagtuyaw saiya kaini ta inapod ngane an saiyang ginibo na sarong "Kapalpalan ni Seward" (Seward's Folly). Alagad, kan siya hinapot kun ano an pinakaimportanterng naginibo niya, sinabi niya idtong pagbakal kan Estados Unidos kan Alaska, bagay na nasabotan sana kan mga Amerikano pakalihis nin sarong henerasyon. Dangan na lang nahiling an importansya kan rehiyon na ini kan enot nakadukay duman nin mga deposito nin bulawan asin nakita man an estratehikong kahalagahan kaini kan magputok an Ikaduwang Gerang Pankinaban.[3]
