The Amazing Race

An The Amazing Race sarong realidad na programang kawat sa telebisyon na an mga padis nin parakawat minakarera palibot sa kinàban. Nakikipagkompetensya sinda sa ibang mga padis. An mga parakawat digdi minalapigot na enot na makaabot sa katapusan kan kada dalagan kan karera tangarig maibitaran an posibilidad na pagkatanggal. An mga padis padiit-diit na natatanggal hasta tolo na sanang padis an mátadà; sa puntong iyan, an padis na enot na makaabot sa ultimong dalagan tatàwan nin dakolang premyong kwarta. Ginibo na Elise Doganieri asin Bertram van Munster an pasali.

Logo kan The Amazing Race (sa Estados Unidos na edisyon). An mga logo para sa mga bersyon internasyonal kan pasali pig-adaptar sa logong ini.

An orihinal na serye pigpapasali sa Estados Unidos poon kan 2001 asin nakaresibi na nin pitong Primetime Emmy Awards, kabali an apat na "Outstanding Reality-Competition Program" na naipapanao.