Silikon
An silikon (Ingles: silicon) iyo sarong elementong kimikal na may simbolo na Si asin atomikong bilang na 14. Ini iyo matagas asin malutong na kristalikong solido na igwang mala-asul na grey na metalikong lustro, sagkod iyo sarong tetravalent metalloid asin semiconductor. An punto nin pagkatunaw asin pagkalakaga kaini iyo 1414 °C asin 3265 °C, kun sain ini iyo an ika-duwang pinakahalangkaw sa gabos na mga metalloid sagkod dae-metal, pagkatapos sana kan boron.[1]
Lagpas sa 90% kan kadagaan sa kinaban iyo igwang silikang mga mineral, kun sain ngani an silicon iyo an ika-duwang pinaka-abundanteng elemento sa kadagaan (harus 28% kan gabat), pagkatapos sana kan oksiheno.[1] An katapsan kan ika-20 na siglo hasta kapunan kan ika-21 na siglo iyo an pigsasabing "Panahon nin Silikon" (bistado man bilang Digital Age o Information Age) uli ta an elementong silikon iyo may dakulang papel sa modernong ekonomiya kan kinaban.[2][3] An relatibong sadit na porsyon kan labing puripikadong elemental na silikon na piggagamit sa "semiconductor electronics" (< 10%) iyo importante sa mga "metal–oxide–semiconductor (MOS) transistor" asin "integrated circuit chips" na piggagamit sa kadaklan nin mga modernong teknolohiya (arug kan sa mga kompyuter asin selpon).
Hilingon man baguhon
Toltolan baguhon
- ↑ 1.0 1.1 Greenwood, Norman N.; Earnshaw, Alan (1997). Chemistry of the Elements (2nd ed.). Butterworth-Heinemann. ISBN 978-0-08-037941-8
- ↑ Feldman, Leonard C. (2001). "Introduction". Fundamental Aspects of Silicon Oxidation. Springer Science & Business Media. pp. 1–11. ISBN 978-3-540-41682-1.
- ↑ Dabrowski, Jarek; Müssig, Hans-Joachim (2000). "1.2. The Silicon Age". Silicon Surfaces and Formation of Interfaces: Basic Science in the Industrial World. World Scientific. pp. 3–13. ISBN 978-981-02-3286-3.
| An Wikimedia Commons igwa nin medya dapit sa Silicon. |
