Si Juan Queroben Miranda (Marso 8, 1912 - Hunyo 1, 1985) iyo an pinakainot na representante kan Inot na Distrito kan Camarines Sur (1946-1949) sa Inot na Kongreso kan Filipinas. Bàgo puminutok an Ikaduwang Gerang Pankinaban, si Miranda dati nang sarhento (sargeant) sa Philippine Army sa Syudad nin Legazpi.

Plake para ki Miranda pigresibi kan aki niya ng si Queenie Miranda

Pamilya baguhon

An saiyang inot na agom, iyo si Eustaquia Miranda, nagkaigwa sinda nin limang aki, si Cesar, Domingo, Antonio, Norma, Thelma. An ikaduwang napangagom iyo si Conchita Estrada asin sinda nagkaigwa sana nin sarong aki, si Juan (Johnny) Arthur Miranda.

Karera baguhon

Siya an namayo asin sarô sa mga kagtugdas kan Tangcong Vaca Guerilla Unit (TVGU), sarong gerilyang grupong naglaban sa mga mananakop na Hapon kan 1942 sagkod 1945 kan nagputok an Ikaduwang Gerang Pankinaban.

Sa pamamayo niya, an TVGU dakul an mga kampanyang ginibo sa paglaban asin pagraot kan mga hiro kan mga Hapon sa probinsya mala ta duwang beses nabawi an banwaan nin Naga sa kontrol kan mga mananakop na Hapon. Alagad, nakaribaraw nin husto an diringkilan kan mga myembro igdi urog na an iriwal ninda na Miranda asin ni Francisco Boayes kun saen si Miranda pigsahotan si Boayes na gustong agawon kaini an saiyang magayon asin mestisang agom.[1]

Taon 1946 kan nanombrahan ni Manuel Roxas si Miranda bilang representante kan Inot na Distrito kan Camarines Sur asin saro sa importanteng naginibo niya sa Kongreso iyo an pagsangat nin bill na gibohon nang siyudad an Naga. Kaya, kan Desyembre 15, 1948, sa ri'gon kan Akta Republika Nu.305 an Naga nagin siyudad indepediente sa probinsya nin Camarines Sur.[2]

Bilang pagromdom sa saiya, ipinangaran ki Miranda an abenida sa hampang kan City Hall kan Syudad nin Naga paagi kan Ordinansa Nu. 1985-1013 aprobado kan Nobyembre 13, 1985 [3], asin an plaza sa Canaman, Camarines Sur na ngunyan iyo an Canaman People's Center. Sarong tinampo man an ipinangaran saiya sa barangay San Nicolas, Canaman sa lugar kun sain namuknâ an TVGU asin saiyang minundagan.

An Sumaro Bikolnon sa pagpilang saiya komo sarong lider kan mga gerilya, ginawadan siya kan Gawad Hiyangta kan Abril 7, 2017. durante kan lektura-eksibit inapod Bikolandia at War kan parehong aldaw.[4]

Kataytayan nin mga ladawan baguhon

Toltolan baguhon

  1. [Barrameda, Jose Jr. V., In the Crucible of an Asymmetrical War in Camarines Sur 1942-1945, National Historical Institute, Naga City 2007 ISBN 978971-538-205-2]In the Crucible of an Asymmetrical War.... p. 155. Kinua 1-17-21.
  2. http://www.adnu.edu.ph/Centers/SSRC/nagaprofile.html Archived 2016-04-16 at the Wayback Machine. kinua 10-4-16
  3. https://www2.naga.gov.ph/culture-and-heritage-and-naming-of-streets/>.Kinua[permanent dead link] 09-18-22
  4. http://www.bicolstandard.com/2017/04/war-years-lecture-held-in-naga-city.html Kinua 27-04-17

Hilingon man baguhon

Mga hihilngan baguhon