Si Idi Amin Dada (mga 1925-16 Agosto 2003) sarong Ugandanong militar na nagin diktador asin presidente kan Uganda, poon 1971 sagkod 1979. Namundag siya sa Koboko, harani sa probinsya kan West Nile na ngonyan iyo na an lugar kan Uganda. Si Amin nag'ayon sa rehimyento kolonyal kan Britanya, an inaapod na King's African Rifles, kan 1946, asin nagin nang Major General dangan Kumander kan enterong Hokbong Uganda. Naagaw niya an poder sa sarong coup de etat kan Enero 1971, ki Milton Obote, si nakatukaw na presidente. An saiyang administrasyon notado sa lakopan na abuso kan katanosan pantao, pang'iipit pulitikal, etnikong pamumuho, panggagadan na luwas sa proseso nin ley, asin an pagpapatalsik basta kan mga Asyanong nakaestar sa Uganda.[1] An saiyang politikal na ideolohiya inapod na "Aminismo".[2][3]

Idi Amin

Dai aram nanggad kun pira an ipinagadan bunga kan saiyang maringis na rehimen pero an mga paramasid asin kagbantay kan humano derecho tinataya na ini nag'kakawat poon 100,000 abot 500,000.

Toltolan baguhon

  1. Biography of Idi Amin, Brutal Dictator of Uganda
  2. Kiyimba, A. (1998). The ghost of Idi Amin in Ugandan literature. Research in African Literatures, 29(1), 124-138.
  3. Kasule, S. (1998). Popular performance and the construction of social reality in post-Amin Uganda. Journal of Popular Culture, 32(2), 39.

Panluwas na takod baguhon

  • Pabisto ki Idi Amin- [1]