Hugh Hefner
Si Hugh Marston Hefner (Abril 9, 1926 – Septyembre 27, 2017) sarong Amerikanong parapalagda nin magasin, editor, negosyante asin inaapod na playboy huli sa sobrang interes sa mga babae. Siya an pamayong editor kan magasin na Playboy na saiyang itinogdas kan 1953. Siya man an kagmukna asin pamayo kan Playboy Enterprises, an grupong nagpupublikar kan magasin. Siya saro man na aktibista asin pilantropo.
| Hugh Hefner | |
|---|---|
 Hefner kan Nobyembre 2010 | |
| Kamundagan | Hugh Marston Hefner Abril 9, 1926 Chicago, Illinois, U.S. |
| Kagadanan | Septyembre 27, 2017 (edad 91) Los Angeles, California, U.S. |
| Alma mater | Steinmetz High School University of Illinois sa Urbana Champaign (B.A.) |
| Trabaho | Taga-publikar nin magasin |
| Midbid bilang | Editor-in-chief kan magasin na Playboy, pamayo kan Playboy Enterprises |
| Dinakulaan | Chicago, Illinois, U.S. |
Political party | Independiente |
Board member of | Playboy Enterprises |
| Agom | |
| Kasaroan | Barbi Benton (1969–76) Brande Roderick (2000–01) Holly Madison (2001–08) Bridget Marquardt (2002–09) Kendra Wilkinson (2004–08) |
| Mga aki | 4, kaiba si Christie Hefner |
| Websityo | |
| Playboy.com | |
An saiyang magasin natampok na an mga popular na mga aktres asin mga celebrities arog ki Marilyn Monroe, Kardashian, Susan Kelly, Karen Thompson, Madonna, Kate Moss, Jenny McCarthy, Naomi Campbell, Cindy Crawford, Drew Barrymore, Nancy Sinatra, Pamela Anderson, asbp.[1][2]
Kaamayi kan buhay baguhon
Si Hefner namundag sa Chicago, Illinois, pinakamatua sa magtugang na inaki ninda Grace asin Glenn Hefner, na mga Methodist. Siya nagkuang elementarya sa Sayre Elementary School, dangan sa Steinmetz High School, kan saiyang sekundarya na duman sinabing igwa siyang IQ na 152 alagad tama sana an rekord sa pag'adal. Kan siya yaon sa haiskul si Hefner nagin presidente sa student council asin nagmukna nin peryodiko, bagay na nasirip an saiyang interes sa pagsurat asin nagmukna nin komiks tituladong School Daze kun saen nangawat an saiyang imahinasyon. [3]
Edukasyon baguhon
Pakasirbe niya duwang taon sa militar kan E.U. patapos kan Ikaduwang Gerang Pankinaban, siya nag'adal sa Chicago Art Institute nin sarong summer dangan nag'entra sa University of Illinois sa Urbana-Champaign, kun saen nagmajor siya sa psychology. Kan 1949, natapos niya an bachelor's degree kasabay pag'agom niya kan enot niyang agom na si Mildred Williams. Dangan nagkua siyang sarong semester sa graduate school sa sociology kun saen nagkainteres siya sa mga adal kan sex research institute ni Alfred Kinsey.[4]
Personal na buhay baguhon
Si Hefner sinasabing genius na may IQng 152. An saiyang buhay ladawan nanggad kan gusto niyang ipahiling na dinadarang istilo nin pagbuhay sa saiyang magasin na Playboy, na sarong paleke'. Sabi niya sa sarong interbyu sa Esquire kan 2007 na nakidurog asin nakiseks na siya sa "rinibong babae asin ta gurusto pa daa saiya an mga ini sagkod ngonyan." [5]
Panluwas na takod baguhon
- [6] Archived 2017-09-29 at the Wayback Machine. Istorya kan buhay niya. Kinua 09-29-17.
