An heroe (gikan sa Espanyol na héroe; Ingles: hero; Tagalog: bayani) iyo sarong tunay na tawo o panginot na piksyonal na karakter kun sain, sa pag-atubang sa panganib, iyo piglalabanan an adbersibidad sa paagi nin kusog-boot, katibayan, asin kakusogan. An orihinal na klase nin heroe kan mga klasikal na epiko may mga kagibohan para makapagtao nin orgulyo. An mga post-klasikal asin modernong heroe iyo nakahimo nin marhay na kagibohan o dae-makasadiring akto para sa karahayan kan kagabsan imbes an klasikal na katuyohan na kayamanan, kahambogan, asin kasikatan. An kabaliktadan kan heroe iyo an kaiwal.[1] An iba pang mga termino na pwedeng maitakod sa konsepto kan heroe iyo kabali an marhay na tawo o white hat.

Si Joan of Arc iyo pigkokonsidera bilang medieval na Kristiyanong heroe para sa saiyang kagibohan sa Gatos na Taong Giyera, asin iyo pigkanonisa bilang sarong Romano Katolikong santo

Sa klasikal na literatura, an heroe iyo an panginot o pigtatangad na karakter sa sarong epiko na pigseselebrar sa paagi nin mga suanoy na istorya kan mga tawo, na harus iyo dapit sa militar na pananakop asin pagbuhay sa padagos na raot na sistema.[2] An depinisyon kan heroe iyo naliliwat sa pagdalagan kan panahon. An diksyunaryong Merriam Webster pigtatatwan kahulugan an heroe bilang "an tawo na pigtatangad huli sa saiyang katibayan, kusog-boot, o marhay na mga kalidad".[3] An mga halimbawa kan heroe iyo minarango poon sa mga mitolohikal na pigura, arug ni Gilgamesh, Achilles asin Iphigenia, hasta sa mga historiko asin modernong pigura, arug ni Joan of Arc, Giuseppe Garibaldi, Sophie Scholl, Alvin York, Audie Murphy, asin Chuck Yeager, sagkod mga piksyonal na "superheroes", kabali si Superman, Spider-Man, Batman, asin Captain America.

Mga panluwas na takod baguhon

Toltolan baguhon

  1. Gölz, Olmo (2019). "The Imaginary Field of the Heroic: On the Contention between Heroes, Martyrs, Victims and Villains in Collective Memory". helden. heroes. héros: 27–38. doi:10.6094/helden.heroes.heros./2019/APH/04. https://www.academia.edu/41498238. 
  2. "Hero". Britannica Online Encyclopedia. Retrieved 2015-12-06. 
  3. "Definition of HERO". Merriam Webster Online Dictionary. Retrieved 2 October 2017.