Si Elizabeth Rosemond Taylor (Pebrero 27, 1932-Marso 23, 2011) sarong Briton-Amerikanong aktres. Nagpoon siya bilang aking aktres sa MGM hasta nagin siyang bantogan na artista sa pelikula asin sa telebisyon. Si Taylor, saro nanggad sa pinakapamosong artista kan kinaban, binibisto na mahusay na aktres, may glamorosong buhaybuhay asin natatandaan na maray huli sa saiyang nakakabihag asin lilang mata.

Si Elizabeth Taylor

Enot niyang tapsok iyo sa pelikulang National Velvet (1944), sumunod sa Father of the Bride (1950), A Place in the Sun (1951), Giant (1956), Cat on a Hot Tin Roof (1958), asin sa Suddenly, Last Summer (1958). Ginana niya an Academy Award para sa Pinakamahusay na Aktress sa Butterfield (1960), nagkawat sa mayor na papel sa Cleopatra (1963), asin inagom an saiyang kapwa-aktor si Richard Burton. Sindang duwa nagpapel sa onseng pelikula, kabali na diyan an Who's Afraid of Virginia Woolf? (1966) kun saen si Taylor guminana naman nin Academy Award. Kan mga 1970, talagsad na sana an pagluwas niya sa pelikula. Kun minsan nagtagaluwas siya totoo sa telebisyon asin sa teatro.

Sa bilog niyang pagkabuhay dai siya binutsan kan kun ano-ano helang. Nagadan siya sa Cedars-Sinai Medical Center sa Los Angeles huli sa kahelangan sa puso sa edad na 79, naaragitongan kan apat niyang aki.[1][2]

Mga panluwas na takod baguhon

Toltolan baguhon