An cocaine (gikan sa French: cocaïne, gikan sa Spanish: coca, mas gikan sa Quechua: kúka)[1] iyo sarong tropanong alkaloid asin istimulanteng druga na naguguno pangenot hali sa mga dahon kan duwang espesyeng coca na katutubo sa Sur na Amerika, an Erythroxylum coca asin Erythroxylum novogranatense.[2]

Bola asin istik na modelo kan molekulang (−)-cocaine, C17H21N1O4

Ini iyo pinakanagagamit bilang sarong rekreasyunal na druga asin euphoriant.[3] Pakatapos kan ekstraksyon hali sa dahon nin coca asin padagos na pagproseso pasiring sa cocaine hydrochloride (pulbos na cocaine), an druga pwedeng masinghot, initon hasta magsublima asin singhoton dagos, o tunawon asin itudok sa ugat nin tawo.[4] An mga epektong mental iyo kabali an makusog na pagmati nin kaogmahan, pagsangat kan sekswal na pagmati, pagkawara nin kontak sa realidad, o agitasyon.[4] An mga pisikal na simtomas iyo pwedeng ibali an marikas na pagkurabkutab kan puso, pagganot, asin pagbulakog kan mata.[4] An halangkaw na pakonsumo pwedeng magresulta sa halangkaw na presyon kan dugo o temperatura kan lawas.[5] An mga epekto mapoon sa laog nin mga segundo pasiring sa minuto nin paggamit asin mahaloy sa tahaw nin lima asin sisentang minuto.[4]

Panluwas na takod baguhon

Toltolan baguhon

  1. "The American Heritage Dictionary entry: %20COCAINE". 
  2. "The identification of coca (Erythroxylum species): 1860-1910". Botanical Journal of the Linnean Society 84 (4): 329–353. June 1982. doi:10.1111/j.1095-8339.1982.tb00368.x. 
  3. "Data available on the extent of cocaine use and dependence: biochemistry, pharmacologic effects and global burden of disease of cocaine abusers". Current Medicinal Chemistry 19 (33): 5647–57. 2012. doi:10.2174/092986712803988811. PMID 22856655. 
  4. 4.0 4.1 4.2 4.3 "Cocaine intoxication". Critical Care Clinics 28 (4): 517–26. October 2012. doi:10.1016/j.ccc.2012.07.003. PMID 22998988. 
  5. "Experimental treatments for cocaine toxicity: a difficult transition to the bedside". The Journal of Pharmacology and Experimental Therapeutics 347 (2): 251–7. November 2013. doi:10.1124/jpet.113.206383. PMID 23978563.