An belosidad (Ingles: velocity) kan sarong bagay iyo an rikas kan pagbabago niya sa saiyang posisyon base sa sarong reperensya, asin iyo nakadepende sa oras. An belosidad iyo parehas sa ispesipikasyon nin rikas asin direksyon nin mosyon kan sarong bagay (e.g. 60 km/h pasiring sa norte). An belosidad iyo sarong pundamental na konsepto sa kinematika, an sanga kan klasikal na mekanika na nagpapaliwanang sa paghiro kan mga lawas.

Belosidad
Habang igwa nin pagbabago sa direksyon kan mga pangkawat na awto sa pag-ikot kaini sa patikong dalan, an belosidad ninda bakong konstant.
Bistadong mga simbolov, v, v
Ibang mga yunitmph, ft/s
Sa basehang yunit nin SIm/s
DimensyonL T−1

An belosidad iyo sarong pisikal na bektor na kantidad; kaipohan an parehas na magnitudo asin direksyon sa pagtao nin kahulugan saiya. An iskalar na absolutong bilang (magnitudo) kan belosidad iyo inaapod na rikas, na iyo sarong koherenteng naderibang yunit kun sain an kantidad iyo nasusukol sa SI (metrikong sistema) bilang metro kada segundo (m/s o m⋅s−1). Halimbawa, an "5 metro kada segundo" iyo sarong iskalar, kun sain an "5 metro kada segundo subangan" iyo sarong bektor. Kun igwa nin pagbabago sa rikas, sa direksyon o parehas, an nasambit na bagay iyo igwang nagbabagong belosidad asin iyo yaon sa irarom nin akselerasyon.

Panluwas na takod baguhon