An astronauta (hale sa Antigong Griyego ἄστρον (astron), boot sabihon 'bitoon' asin ναύτης (nautes), boot sabihon 'marinero') sarong persona na pigbanos, pigsangkapan asin pigpaayon sa programa nin tawo na pagpalayog-espasyo na maserbi bilang pamayo o myembro sa grupo na nakasakay sa sarong sasakyan-espasyo o spacecraft. Maski ini totoo reserbado sa mga propesyonal na parabyaheng espasyo, an termino inaaplikar sa kiisayman na magbyahe sa espasyo, kaiba na diyan an mga sayantist, politiko, peryodista, asin sa mga turista.[1][2]

Si NASA astronautang Bruce McCandless II naglayaw-layaw sa espasyo gamit an inapod na Manned Maneuvering Unit, taon 1984.

Mga pagbyaheng espasyo na tatandaan baguhon

Galeriya baguhon

An pinakaenot na tawo sa espasyo iyo si Sobyet Yuri Gagarin, na ibinungsod siya pataas kan 12 Abril 1961, sakay sa Vostok 1 asin nag'orbit palibot sa Kinaban nin 108 minuto. An enot na babae sa espasyo iyo si Sobyet Valentina Tereshkova, na ibinungsod pataas kan 16 Hunyo 1963, lunad sa Vostok 6 asin nag'orbit sa Kinaban nin haros tolong aldaw.

Si Alan Shepard nangagin enot na Amerikano asin ikaduwang persona sa espasyo kan 5 Mayo 1961, sa 15-minuto na sub-orbital na paglayog sakay sa Freedom 7. An enot na Amerikanong nag-orbit sa Kinaban iyo si John Glenn, sakay sa Friendship 7 kan 20 Pebrero 1962. An enot na Amerikana sa espasyo iyo si Sally Ride, durante kan Space Shuttle Challenger na misyon STS-7, kan 18 Hunyo 1983.[3] Kan 1992, si Mae Jemison nangagin enot na Aprikano-Amerikano na nakabyahe sa espasyo lunad sa STS-47.

Toltolan baguhon

  1. NASA (2006). "Astronaut Fact Book" (PDF). National Aeronautics and Space Administration. Archived from the original (PDF) on 25 October 2007. Retrieved 4 October 2007.  Unknown parameter |url-status= ignored (help)
  2. MacKay, Marie (2005). "Former astronaut visits USU". The Utah Statesman. Archived from the original on 26 September 2008. Retrieved 4 October 2007.  Unknown parameter |url-status= ignored (help)
  3. NASA (2006). "Sally K. Ride, PhD Biography". NASA. Archived from the original on 16 October 2007. Retrieved 4 October 2007.  Unknown parameter |url-status= ignored (help)