Pagkakaiba sa mga pagbabago kan "Metropolitanong Katedral nin Naga"

An Katedral napangyare kan an Dioceses nin Nueva Caeres pinagmukna huli sa ri'gon kan Papal Bull kan Agosto 14, 1595. Alagad, an nasabing katedral bako pa sa presenteng lugar kundi yaon namugtak sa kun saen an presenteng saod ngonyan (2011). An katedral narogba' nin kasulo kan taon 1768. An paghaman kan presenteng katedral sa Espanyol-Romanesque'ng istilo pino'nan kan 1808 (1816?) asin ini pinagboot ni Obispo [[Bernardo de la Concepcion]]. Natapos ini kan taon 1843 asin dinuhulan bendisyon ni Mons. Tomas Ladron de Guevara. Kan Oktobre 24, 1856 an Katedral linamasa nin makusogon na bagyo asin naraot. Si Rev. Fray [[Francisco Gainza]] (1862-1879) pighingoa na mapahirahay asin mabalik sa dating gayon niya. Kan taon 1887 inagihan naman ini nin makusog na linog alagad sa paagi nin Obras Publicas napahirahay man tolos sa direksyon ni Obispo [[Arsenio Campo]] asin katuwang si Inhinyero Ricardo Ayuso natapos an paghirahay kan taon 1890.