Pagkakaiba sa mga pagbabago kan "Michelangelo"

 

Sa pagpatotoo kan saiyang napapalaen na kabantogan, siya an pinaka'enot na artistang taga-Solnopan na an biograpiya pinalagda' manta na siya buhay pa.<ref name="Britannica1">Michelangelo. (2008). Encyclopædia Britannica. ''Ultimate Reference Suite''.</ref> Duwa kaini pinublikar, saro gibo ni Giorgio Vasari na nagtaram na si Michelangelo na an nagdadara kan pinaka'alitoktok nin artistikong kahamanan sa pagpoon kan Renaissance, sarong punto de vista na nagdanay sa historya nin arte nin pirang siglo. Sa panahon niya, siya parati binabansagan na Il Divino ("an Langitnon"). Saro daa sa kalidad na admiradong maray kan saiyang kagurubay iyo an saiyang "terribilista", sarong "nakaka'ara' na pagmateng kadakulaan" an pinupukaw sa mga naghihiling sa saiyang mga obra. Dakul na nagsurunod na mga artistang nag'ngata' na arogon an saiyang makuri asin sobrang personal na istilo na nagbunga kan istilong Mannerismo, an sinasabing nagtungang mayor na movimiento sa Arteng Solnopan sunod sa inapod na 'High Renaissance'.

 

==Kaamayan kan buhay==

 

Si Michelangelo namundag kan Marso 6, 1475 sa Caprese harani sa Arezzo (Ngonyan ini nangaranan nang Caprese Michelangelo).<ref name="Tolnay11">J. de Tolnay, ''The Youth of Michelangelo'', 11</ref> Pirang henerasyon an saiyang pamilya mga saradit sana man na kagrogaring nin bangko. An ama niya totoo, si Lodovico di Leonardo di Buonarroti di Simoni, nasasakitan na mamantener an toltol na operasyon kaini kaya nagtatagakapot nin pwesto sa gobyerno. Kan si Michelangelo inaki, an ama niya sarong administrador sa hudikatura sa Caprese asin administrador lokal kan banwaan nin Chiusi.<ref name="Britannica1"/> An ina ni Michelangelo iyo si Francesca di Neri del Miniato di Siena.<ref name="clement5">C. Clément, ''Michelangelo'', 5</ref> An mga Buonarroti nagtutubod na gikan sinda ki Kondesa Mathilde nin Canossa y siya mismo may pagtubod na totoo ini. Pakamundag saiya, an pamilya niya nagbalik na sa Florence kun saen siya nagdakula. Durante kan halawig na paghelang asin pakagadan na ngane kan ina niya, siya naki'estar sa pamilya nin sarong kantero sa banwaan nin Settignano, kun saen an ama niya may pagrorogaring na daga na kuanan nin marmol asin patin sarong oma.<ref name="clement5"/> Sinasabi ni Michelangelo paagi nin pagsurat ni Giorgio Vasari, "Kun ano ta may pakinabang ako, huli ta namundag asin nag'estar ako sa banwa nindong banayad an panahon. Kadungan kan gatas na sinuso ko sa sakong yaya, nakanood akong magin mahusay magkapot nin tigib asin martilyo na iyo an iginigibo ko nin mga pigura."

 

 

Si Michelangelo pinadara siya kan saiyang ama na mag'adal nin gramatika sa Humanistang si Francesco da Urbino sa Florence kan siya solterito.<ref name="Tolnay11" /><ref name="Condivi9">A. Condivi, ''The Life of Michelangelo'', 9</ref>{{ref label|b|b|none}} Alagad, an hubin na Michelangelo mayong interes sa pagklase niya; mas ginugusto niya pang magparakopya kan mga pinta sa mga simbahan asin hinahanaphanap an pag'iriba nin mga pintor.<ref name="Condivi9" /> Pag'edad niyang trese, pinagibong peyon siya ki [[Domenico Ghirlandaio]]. Kan siya katorse pa sana, an ama niya nakumbinsi si Ghirlandaio na siya bayaran na bilang sarong artista, bagay na pambihira kan mga panahon na idto.<ref>C. Clément, ''Michelangelo'', 7</ref> Kan taon 1489, si [[Lorenzo de' Medici]], an de factong namoon sa Florence, naghagad ki Ghirlandaio nin duwang pinakamahusay na pupilo, si Ghirlandaio pinadara si Michelangleo asin si [[Francesco Granacci]].<ref>C. Clément, ''Michelangelo'', 9</ref> Poon 1490 abot 1492, si Michelangelo nag'atender sa Humanistang akademya na tinogdas ni Medici na nag'aayog sa impluensyang Platoniko. Siya nag'adal nin eskultura sa irarom nin paggiya ni [[Bertoldo di Giovanni]]. Sa akademya, an pana'naw asin arte ni Michelangelo napairarom na gayo sa impluensya kan si mga prominenteng mga pilosopo asin mga eskritor kan mga panahon na idto, kabali na diyan sinda [[Marsilio Ficino]], [[Pico della Mirandola]] asin [[Poliziano]].<ref name="Tolnay1819">J. de Tolnay, ''The Youth of Michelangelo'', 18–19</ref> Kan panahon na ini si Michelangelo inukit an ''[[Madonna of the Steps]]'' (1490–1492) asin ''[[Battle of the Centaurs (Michelangelo)|Battle of the Centaurs]]'' (1491–1492). an huri binase sa tema na pigswestiyon ni Poliziano ssin kinomisyon ni Lorenzo de [[Medici]].<ref name="Condivi15">A. Condivi, ''The Life of Michelangelo'', 15</ref> Manta na siya nakapeyon ki Bertoldo di Giovanni, si [[Pietro Torrigiano]] tinaplong siya sa dungo, bagay na iyo an nakatiko kan saiyang dungo na naririsang maray sa saiyang mga retrato. Edad niya pa sana kaini 17.<ref>{{cite web|url=http://arthistory.about.com/b/2008/07/27/will-the-real-michelangelo-please-stand-up.htm|accessdate=14 December 2009|title=Will the Real Michelangelo Please Stand Up?}}</ref>