Pagkakaiba sa mga pagbabago kan "Libmanan"

Igdi man sa Libmanan, sa baryo kan Bigaho, nakotkot idtong pwedeng apodon na sanang [[LokdoLokdô nin Libmanan]]. Ini nagmumustra nin mga pigurin na pinag-adalan nin hararom ni Dr. [[Zeus Salazar]], sarong antropologo, asin nagtao siyang opinion base sa adal niyang ini na an epikong [[Ibalong]] iyong gayo an pigiistorya kan mga pigurin sa lokdo asin an kahadean ni Handyong posible nakabase igdi sa Libmanan. An lokdolokdô na ini takop kan sarong tapayan na lulubngan. An nakadukay kani iyo si Ermelo Almeda, sarong taga-Naga asin paradamot nin mga artifaks asin relikyas kan soanoy na panahon. Ngonyan an lokdolokdô naka-displey sa ''Museo de Conciliar de Naga'' kan [[Holy Rosary Minor Seminary]].

Nabanggit man an Libmanan ni [[Feodor Jagor]], sarong Aleman na antropologo na nagbisita igdi sa Pilipinas (1859-1860). Sa saiyang libro na '''Reisen in der Philippinen''' (na pinalis sa Ingles ni Austin Craig, 1917) sabi niya si Melendreras daa mismo an nagsalaysay saiya na kan taon 1851 nakakotkot sa Poro'. sarong lugar igdi, nin mga antigong tapayan, mga plato, mga kolambiga, mga bronseng daga, mga bungobungô asin tulangtu'lang nin tao saka kun ano-ano pang mga bagay na soanoy nang maray. Sabi nya nakidagos pa siya ki [[Fray Bernardino Melendreras]] na iyo kadto an kura paroko.

Maka-ngalas ta igwa ngani igdi sa Libmanan na barangaybaranggay na an apod '''Handong''' na pigaatid-atid kan mga paraadal kun baga ini ginuno mansana sa pangaran ni Handyong.

Orog pa sa gabos, an Libmanan iyo an nagtao kan saro niyang aki na dakula nanggad an ambag sa lantad nin edukasyon igdi sa ronang Bikol: si Dr.[[Jaime Hernandez]] (1892-1986). Si Dr.[[Jaime Hernandez]], aki ni [[Leon Hernandez]] na saro sa Quince Martires kan Camarines, iyo an kagtogdas kan pinakadakula asin pinakagurang na unibersidad sa Kabikolan, an Universidad de Nueva Caceres ([[University of Nueva Caceres]]) na minukna niya kan taon 1954.