Pagkakaiba sa mga pagbabago kan "Angkor Wat"

An '''Angkor Wat''' (sa [[khmer]] Ângkôr Vôtt /ɑŋkɔr vɔt/)(sinusurat man, Angkor Vat) antigong templong relihiyoso namomogtak sa [[Angkor, Kambodya]] asin konsideradong mga yaman arkeolohiko kan kinaban. Ini pigtogdok para ki Hading Suryavarman II kan kaamayan nin ika-12 siglo bilang templo kan saiyang estado asin bilang kabeserang siyudad kan saiyang kahadean. Ini komo nasaray na haros bilog, an templo nagsirbeng sentro nin relihiyon enot para sa diyos na Vishnu kan mga [[Hindu]] asin sumunod para sa mga Buddhist. Sinasabing ini an pinakadakulang edipisyo relihiyoso sa bilog na kinaban.<ref>{{cite web |url=http://www.angkor-visit.com/angkor_wat.html |title=Angkor Temple Guide |accessdate=31 October 2010 |year=2008 |publisher=Angkor Temple Guide}}</ref>

An templo ginibo sa klasikong estilo kan arkitekturang Khmer. Nagin nang simbolo na mismo kan [[Kambodya]] ini, mala ta nakatala sa saindang bandera nasyunal. Ini man an mayor na atraksyon para sa mga bisitang turista. An Angkor Wat may duwang plano sa arkitekturang Khmer: an templong bukidnon na hitsura asin an templong pigtangga-tangga, basado sa arkitektura kan South Indian Hindu, na saro sa tatandaan iyo an Jagati. an desenyong ini pigrerepresentar an Bukid Neru, an erokan daa kan mga ''deva'' nin mitolohiyang Hindu: sa laog kan naglilikos na foso (moat) asin nin palibot na pader 3.6 kilometro an laba (2.2 milya) iyo an tolong mga rektanggulong galeriya, na lambang saro mas garo-gantad sa enot. Sa sentro kan templo nakatindog an ''quincunx'' na mga torre. Bakong arog kan kadakulan kan mga tempolong Angkor, ini nakaaatubang sa solnopan; an mga iskolar dai nagkakaoroyon kun ano an kahulogan kaini. An templong ini inaaraan na gayo huli sa saiyang makapugol-hinangos na gayon, kan saiyang harmoniya sa arkitektura, asin kan mga ''bas-relief'' asin mga devatas (mga anghel na bantay) nagsasamno sa saiyang mga lanob.