Pagkakaiba sa mga pagbabago kan "Libmanan"

Content deleted Content added
Ringer (urulay | ambag)
No edit summary
Ringer (urulay | ambag)
No edit summary
Linya 8:
An banwaan nin Libmanan lataw sa historya asin kultura kan Bikol nin huli ta gurangon na siya asin tagob sa kultural na yaman. Halimbawa, igdi nag-administrar nin haros duwang polong taon (1845-1846) asin (1847 - 1865) si [[Fray Bernardino Melendreras]]. Siya an tunay na pigtutubodan na kagsurat kan epikong [[Ibalong]] sa lenggwaheng Kastila huli ta siya talaga parasurat rawitdawit asin bakong harayo an sinasabing "parasing-pasing" na epiko igdi mansana niya naponpon sa Libmanan sa halawig na pag-erok niya igdi manta duman sa Albay, naglabi sana siyang sarong taon (1865-1867).
 
Igdi man sa Libmanan nakotkotan (Bigaho, Libmanan) idtong lokdo nin tapayan na nagmumustra nin mga pigurin na pinag-adalan nin hararom ni Dr. [[Zeus Salazar]], sarong antropologo, asin nagtao siyang opinion base sa adal niyang ini na an epikong [[Ibalong]] iyong gayo an pigiistorya kan mga pigurin sa lokdo asin an kahadean ni Handyong posible nakabase igdi sa Libmanan. An lokdo palan na ini an nakadukay iyo si Ermelo Almeda, sarong taga-Naga, asin ngonyan an lokdo nin tapayan naka-displey sa ''Museo de Conciliar de Naga'' kan [[Holy Rosary Minor Seminary.]].
 
Nabanggit man an Libmanan ni [[Feodor Jagor]], sarong Aleman na antropologo na nagbisita igdi sa Pilipinas (1859-1860). Sa saiyang libro na '''Reisen in der Philippinen''' (na pinalis sa Ingles ni Austin Craig, 1917) sabi niya si Melendreras daa mismo an nagsalaysay saiya na kan taon 1851 nakakotkot sa Poro. sarong lugar igdi, nin mga antigong tapayan, mga plato, mga kalombiga, mga bronseng daga, mga bungo asin tulang nin tao saka kun ano-ano pang mga bagay na soanoy nang maray. Mala ta sabi nya nakidagos pa siya ki [[Fray Bernardino Melendreras]] na iyo kadto an kura paroko.