Pagkakaiba sa mga pagbabago kan "Fray Bernardino Melendreras"

Isinobol siya igdi sa probinsya kan Camarines kan taon na 1844 asin kinapotan niya sa pagadministrar an Quipayo, taon 1844 kinapotan niya an Bombon, taon 1845 an Libmanan naman. Pakalihis sarong taon ibinalik siya sa Bombon komo Presidente. Kan 1847, nagin naman siyang Presidente kan Libmanan. Kan siya yaon pa sa Libmanan mga taon 1861, uminagi asin naki-estar ngani saiya si [[Fedor Jagor]], sarong Aleman na antropologo, kan ini pinagadalan an lugar kan Libmanan asin nakakotkot duman nin mga antigong tapayan, plato asin iba pang gamit sa gugurang.

 

 

An Franciscanong padi na ini reparong maray komo sarong parasurat manongod sa manlaenlaen na aspekto kan kulturang Bikolnon asin mahilig magparasurat rawitdawit. An iba nagsasabi ngani na siya an kagsurat kan epikong [[Ibalong]]. Igwa siyang rawitdawit dapit sa tinanom na ''takay'', dapit sa mga kalamidad, sa mga bulkan asin sa Kapalibotan, sa mga leyenda asin osipon kan mga gugurang, saka manongod man sa mga tinanom asin kaburakan igdi sa Bicol. Sinasabi ni [[Jose Calleja Reyes]] na kan siya nagduman sa Espanya, natawan siya nin kopya kan si 54 mga rawitdawit na tinokda ni Melendreas kan ini nadestino igdi sa Bicol, kan sarong man na Franciscanong padi na si Pading Apolinar Pastrana Riol,O.F.M. na iyo an may katongdan duman sa ''Archivo Franciscano Ibero-Oriental'' sa Madrid. An mga manuskrito napalaman sa obrang titulado,''Antologia Poetica Sobre la Region Bicolana de Filipinas.''