Pagkakaiba sa mga pagbabago kan "Manny Villar"

Content deleted Content added
Ringer (urulay | ambag)
No edit summary
No edit summary
Linya 13:
 
Sa pinonan sanang Php 10,000.00 na puhunan asin dara an maigot na mawot mag'asenso, nagin siyang sarong prominente asin dakulang negosyante sa lantad nin real estate asin pagpatogdok nin mga harong.
 
==Negosyo==
Kan 1975, si Villar, sa puhunan na Php 10,000.00, nagbakal nin duwang lumaag trak. Saka siya nagpoon kan negosyo sa graba-asin-baybay sa Las Pinas.
 
Igdi na nagpoon magdakula an negosyo niya. Mala ta nakaag na niya an saro sa pinakadakula na development firm sa bilog na rona kan [[Sur-subangan na Asya]], an Camella & Palmera Homes. Dati-dati, an kompanya mga bararatohon sanang mga harong an pigtotogdok asin pigpapabakal. Ngonyan nagpoon nang magpatogdok nin mga harong na pangmayaman na dara an markang Crown Asia.
 
==Pulitika==
 
Kan taon 1992, nagtapsok siya sa pulitika asin naelhir Kongresista kan Las Pinas asin Muntinglupa sa tolong terminong sunod'sunod na naguno' an kadakulang boto. Kan taon 1988, napili siyang Tagataram kan Kongreso kan Filipinas (1998-2000). Sa siring na katongdan, nag'agi saiya si prosedemyento nin ''impeachment'' nilaban ki Pres. [[Joseph Estrada]]. Kan taon 2001, naelhir siyang Senador kan Republika kan Filipinas. Sa mahiwas na suporta kan saiyang kairiba sa Senado, siya napili na magin Pamayo kan Senado (2006-2008) sa ika-3 regular na sesyon kan ika-13ng Kongreso. Dati man niyang nakapotan an posisyon na Senate President Pro-tempore asin nagin man Chairman kan duwang Komite, an Committee on Finance, Foreign Relations, Public Order, asin kan Committee on Agriculture and Fisheries.
 
Sa rekord, siya pa sana, pakatapos kan gera, an nagin Tagataram kan Kongreso asin Presidente kan Senado. Siya an Presidente ngonyan kan [[Partido Nacionalista]], an pinakaurang nang partido pulitikal sa Filipinas.
 
Si Villar sa presente iyo an dinadarang kandidato para presidente kan Filipinas kan Partido Nacionalista sa mabot na [[2010]] na eleksyon. An saiyang mga pasabot sa mga namamanwaan iyo an pagtaong doon sa negosyo, na an mga Filipino dai matakot sa pagnenegosyo. Saiyang dinadara an islogan na "Sipag at tiyaga" ("Higos asin tiyaga) sa mga tribuna asin mga media nin komunikasyon arog kan radio asin telebisyon.Kumbaga, ini an patugmaran kan saiyang kampanya.
 
==An yamanasset ni Villar==
 
Siya binibisto na iyo an pinakamayaman na lehislador magin man sa Kongreso o sa Senado, na tinataya may asset na nagkakahalagang Php 1.04 bilyon. Sa Forbes Magazine nagluwas kan Oktobre 2007, an lista kaini kan mga "40 pinaka-mayayaman" sa Filipinas, si Villar nagranggong ika-5 asin iyo an may pinakamataas na paggantad pa ngane sa yaman. Hale sa $110 million kan 2008, an net worth niya nagsumpit pataas nin 755% o $940 milyon kan magpabakal sa publiko kan mga shares kan saiyang kompanyang Vista Land & Lifescapes.
 
 
==Mga onra asin pagbibisto==
 
* 1991, Most Outstanding Alumnus, UP
* 1990, Most Outstanding CPA , na ginawad kan Institute of Certified Public Accountants
* 1989, Agra Award for Marketing Management
* 1986, saro siya sa inapod na ''Ten Most Outstanding Men''.