[[Ladawan:Luis Dato.jpg|thumb|180px|Si Luis Dato<ref>Retrato nin Luis Dato gikan sa blog na [http://lgdato.blogspot.com LGDato] ni Stephen Cenon Dato Talla</ref>]]
Si '''Luis Dato''' ([[Hulyo 4|4 Hulyo]] [[1906]] - [[Enero 29|29 Enero]] [[1984]]) sarong [[Bikolano]]ng poeta, edukador, periodista, kolumnista asin dating alkalde (19411942-19471946)<ref>Luis, Dato G. ''Land of Mai'' [[Ciudad nin Iriga]] [[1975]]</ref> kan [[Baao, Camarines Sur|Baao]], [[Camarines Sur]]. Siya binibisto man na sarong Bikolista na naghingowa man na mapakarhay na toltol an pagsurat sa [[tataramon na Bikol|Bikol]].
An mga magurang niya iyo sinda Eugenio Dato y Esplana asin Barbara Guevarra y Imperial. Siya sobrino kan pinaka-enot na Pilipinong Obispo si [[Jorge Barlin]].
==Komo parasurat==
Susog sa saiya mansana, nakasuratNakasurat siya nin sobra sa limang gatos na [[rawitdawit]], kadaklan kaini sa [[tataramon na Ingles|Ingles]], dakul manasin sa [[tataramon na Bikol|Bikol]]. Nagin siyang [[parasurat]] sa magasin na [[Sanghiran nin Bikol]] (1927-1931), sa mga peryodikong [[Bicol Star]] (1932-1934), [[Tingong nin Banwaan]] (1939-1940), Naga Times, [[Bicol Mail]] asin staff member kan magasin na [[Bicolandia (babasahon)|Bicolandia]], [[Juan de la Cruz (babasahon)|Juan de la Cruz]], sa peryodikong Bicol Examiner, Naga Times asin kan magasin na [[Bikolana (babasahon)|Bikolana]]. Nagin man siyang kolumnista sa Balalong (1975-1977) kun saen may binibilog siyang bokabularyo kan mga inapod niyang "Mga Pambihirang Tataramon Sa Bikol." Dakul man na kantang Bikol an saiyang dinamot na matipon asin saiyang pinapublikar sa mga peryodikong ini kaya lang daing darang nota.
