Pagkakaiba sa mga pagbabago kan "An Barongbarong"

[[Ladawan:Mga rawitdawit 001.jpg|right|thumb|350px|Sa guhit mismo kan kagtokda']]

 

'''An Barongbarong'''

:Kun an langit napakita’ na garo tagob nin pu’ngaw,

:Kaibang nagromarom na minadamay an aldaw.

:Iyong nakakapurisaw ninsi mga hara’diton;

:Dagos tolos naagagha: Barongbarong, barongbarong!

 

:An mga hayop sa bukid, sa langtad asin kadlagan

:Maalopoop an langit; handal sinda kan madatong,

:An homa’ nin kalangitan: Barongbarong, barongbarong!

 

:Nanabatsabat paglayog an gamgam nanariksarik

:Nagtatangis: Abang ha’dit! abang ha’dit kan panahon!

:Pa’no daw kami! Pa’no daw! Barongbarong, barongbarong!

 

:Sagkod kan mga kulagbaw an isip nalalagalag,

:An ha’dit ninda makuri. Sukat, dai na gomirong,

:Sa pagkatakot ninda kan- Barongbarong, barongbarong!

 

:Minsan an kabalakidan manlaenlaen na sira’-

:Ta kun nabaha’ sa ta’bang asin an dagat naso’bong,

:An saindang tinaakan ruyat kun may Barongbarong.

 

:An mga kahoy, kawayan anan nanpanhoyokhoyok,

:Namilokpilok an ogbos, rilising kan hinamodyong

:Nin doros na nagsasabi: Barongbarong, barongbarong!

 

:An dagat man na masiri’ minaringis nang padagos,

:An pagposi’ minataram: “Magandam kana Baybayon

:Huli kan patagolaen, Barongbgarong, barongbarong!

 

:Bako’ sanang arin kundi’ an linalang na gabos na-

:Tarakot na makamalay na pighihimoratong

:An baretang panrasiras- Barongbarong, barongbarong!

 

:Orog na kun nakikita na ipinagaalimwan

:Dangan man kayan an tawo iyong pakakagiromdom

:Pagarang sa mahal na Dios huli ta may Barongbarong.

 

:Kaya’ kun an langit asin an aldaw maalopoop

:Huli ta sabi sa tuyaw: “Gilagila nin paghokom

:Pamukaw sa taga Daga’ an ngaran na Barongbarong.”