Pagkakaiba sa mga pagbabago kan "Nelson Mandela"

Si '''Nelson Rolihlahla Mandela''' ([[Hulyo 18|18 Hulyo]] [[1918]]), namundag sa Transkei, [[Sur na Aprika]], iyo an dating presidente kan Sur na Aprika asin iyo an pinaka-enot na na-elihir sa sarong demokratikong eleksyon. Siya nagkapot kan pwesto sa laog nin limang taon, poon [[1994]] abot [[1999]].

Bago siya nagin presidente, siya sarong maisog na aktibista laban sa ''apartheid'' o an pagsusuway kan puti sa itom ngane daing pagraramas sosyal. Siya man an lider kan ''Umkhonto we Sizwe'', an armadong sanga kan Aprikanong Kongreso Nasyunal ([[tataramon na Ingles|Ingles]]: ''African National Congress''). An Hokom kan Sur na Aprika pigsentensyahan siya nin pagkapiot nin 27ng taon huli sa salang pagsabotahe saka kun anoano pang krimen, manta na sige namomoon sya sa paglaban sa ''apartheid''.. An saiyang pagkapreso haros naubos duman sa pagkakulong niya sa Isla kan Robben. Ngonyan pinaghihiling siya komo sarong estadista nakakagurang na respetadong gayo asin sige pang pagtaong mga opinyon sa mga isyu. Sa Sur na Aprika, inaapod na gayo siyang ''Madiba'', sarong pagrespetong pangapodan saiya kan saiyang duluhan o tribu.