Tataramon na Masbatenyo

An Masbatenyo (na inaapod man na Minasbate) iyo an mayor na tataramon sa puro o isla kan Masbate. Tolo an dyalekto kaini: Pwedeng apodon tang Masbatenyong Solnopan na lakop sa palibot kan banwaan nin Basud, an Masbatenyong Habagatan nakasentro sa banwaan kan Cataingin sa habagatan-subangan kan isla asin Masbatenyong Amihanan na nakabase sa haros kabanga kan amihanan na parte kan islang Masbate asin sa palibot kan syudad mismo kan Masbate.. Tinataya' na nagaabot 530,000 an naggagamit kan tataramon na ini sa kaenterohan.

Sa habagatan-solnopan kan islang Masbate an mayor na tataramon Hiligaynon na medyo nalahidan nin Bikol asin sa harayong parte kan habagatan-subangan kan islang Masbate an mayor na taramon Sugbuanon.

Igwa pa man nin menor na mga dyalektong Minasbate sa isla kan Ticao na medyo nakakaiba sa pigtataram sa ibang lugar kan islang Masbate.

Sa Burias, parte pa kan probinsyang Masbate, an kadakulan Sugbuanon an tinataram maliban sa San Pascual na bikol-Naga an ginagamit.

An ibang otoridad sa lenggwahe sinsakop an Masbatenyong tataramon sa terminong Bisacol na iyo an taramon man sa Sentral Sorsogon asin sa Habagatan Sorsogon huli9 sa saindang pagka-aragidan.