Pagkakaiba sa mga pagbabago kan "Abaka"

Kun ano-anong produkto sa papel ini napapaluwas sa abaka, arog kan pakete sa tsa, saraan o sirnehan, papel na kwarta (30% kan papel na moneda kan Hapon awat abaka isinalak) , asin mga handikraf arog kan karpet, pamahiran, gubing, parol, lampshade, lampara, mga pambabaeng bag, asin sa industriya, orog na mga lubid asin kable para sa sasakyan-dagat ta ini matagal sa askad, makunot o matuos, mga pisi gamit sa pag'uuma arog kan panhila, panlawig, pamitik, asin buntogon. An abaka, huli ta ini haralaba sa awat asin may kagianan, hinahabol man sa paggibong [[ginaras]] (sinamay/puraw) na gamit sa pagdakop [[sira]], [[balaw]], [[tabyos]], asin hinabol na tela sa kun ano-anong handikraf pati na sa pagtahi nin pantalon o kalson saka pan-itaas na bado kaidtong panahon. Ini pwede man salapidon imbes na pision ta dakul pang napapaluwas na produkto sa sinalapid na abaka arog kan mangko, tinalidong na hapin sa baso asin plato, tsinelas, sapatos, pansamno sa lanob, asin iba pa. Pasubang an industriya sa abaka naman ta an tinanom na ini igwa nang aplikasyon sa iba-ibang teknolohiya siring kan paggamit kaini pag'imprenta nin kwartang papel, sa paggibong pan hapin asin pandusok sa mga lanob asin pinto sa auto arog kan Marcedes Benz asin mga pamatos sa delikadong bagahe asin produktong pigbabalyong-dagat <ref>[https://bizfluent.com/list-6099938-uses-abaca.html]bizfluent.com. Kinua 05-08-18</ref><ref>[http://naturalfibres2009.org/en/fibres/abaca.html]naturalfibers2009.org. Kinua 05-08-18</ref><ref>[https://www.alibaba.com/uses-of-abaca-fiber-suppliers.html]www.alibaba.com. Kinua 05=08-18</ref>